ზაფხულის ცხელი დღეების გაძლება ყველასთვის დისკომფორტს წარმოადგენს. ამ დროს ყველა ადამიანის ოცნებაა კონდიციონერი.
თქვენ შეგიძლიათ სახლში ძალიან მარტივად თავად დაამზადოთ ის, ვინტილატორის და პლასტმასის ბოთლების დახმარებით. ეს პროცესი განსაკუთრებით სასიამოვნოა ხელსაქმის მოყვარული ადამიანებისთვის.
მე გავაკეთე, სცადეთ თქვენც. მთავარია სურვილი და რამოდენიმე წუთში დაამზადებთ კონდიციონერს საკუთარი ხელით.
ხელნაკეთი კონდიციონერი
დაგჭირდებათ:
– ვენტილატორი
– 6 ცალი პლასტმასის ბოთლი (1,5 ან 2 ლიტრიანი)
– საკანცელარიო დანა
– თხელი პლასტმასის ან სქელი მუყაოს ნაჭერი
– პლასტიკური დამჭერები
– წებოვანი ლენტი (სკოჩი)
– ცხელი წებოს იარაღი (სილიკონის თოფი)
დავიწყოთ მუშაობის პორცესი:
ნაბიჯი 1 – აიღეთ 6 ცალი გარეცხილი და გამშრალებული პლასტმასის ბოთლი. ( 1.5 ან 2 ლიტრიანი)
ნაბიჯი 2 – ეტიკეტის ხაზის გასწვრივ, ზედა მხარეს გადაჭერით ექვსივე ბოთლი. იმუშავეთ ნელა, რომ თანაბრად და კარგად გადაჭრათ ბოთლები. (იხ. ფოტო)
ნაბიჯი 3 – მიღებულ ნაჭრებს მოხსენით თავსახურები, რადგან არ დაგჭირდებათ.
ნაბიჯი 4 – აიღეთ სქელი მუყაო ან თხელი პლასტმასი. ისეთი ზომის, რომ გამოჭრათ ვინტილატორის ზომის შესაფერისი დიამეტრის წრე. (წრის სწორად დასახაზად შეგიძლიათ გამოიყენოთ ორი ფანქარი ან თუნდაც ჭურჭელი, რომელიც დიამეტრით სასურველი ზომისაა და გაგიმარტივებთ წრის სწორად შემოხაზვას.)
ნაბიჯი 5 – ნელა და აუჩქარებლად გამოჭერით წრე საკანცელარიო დანის დახმარებით.
ნაბიჯი 6 – მიღებულ მუყაოს ან პლასტმასის წრეზე, ბოთლის გადაჭრილი თავის მეშვეობით შემოხაზეთ 6 წრე. ეცადეთ ერთმანეთისგან დაშორებით თანაბრად განათავსოთ ისინი წრეზე. ამ ადგილზე შემდეგ უნდა დაამაგროთ ბოთლის გადაჭრილი თავები.
ნაბიჯი 7 – ფრთხილად ამოჭერით პატარა წრეებიც საკანცელარიო დანის დახმარებით.
ნაბიჯი 8 – უნდა მიიღოთ ასეთი წრე. (იხ. ფოტო)
ნაბიჯი 9 – ბოთლის თავები ჩადეთ თითოეულ წრეში და მიამაგრეთ წებოვანი ლენტით. მნიშვნელოვანია, რომ ველა დამაგრდეს თანაბრად და არცერთი არ იყოს გარეთ დარჩენილი. (იხ. ფოტო)
ნაბიჯი 10 – ხვრელებში ბოთლების მტიცედ დასაფიქსირებლად უკვე გამოიყენეთ სილიკონის თოფი. (იხ.ფოტო)
ნაბიჯი 11 – წრეზე, ბოთლის თავებს შორის გახვრიტეთ ორ ადგილზე და დაამაგრეთ პლასტიკური სამაგრები. (იხ. ფოტო)
ნაბიჯი 12 – ნაკეთობა დაადეთ ვენტილატორს წინა მხარეს.
ნაბიჯი 13 – მიამაგრეთ ზედ პლასტიკური სამაგრებით.
აი ასეთი კონდიციონერი უნდა გამოგივიდეთ. (იხ.ფოტო)
მიღებული კონდიციონერის მუშაობის პრინციპი მარტივია.
ჩართვიდან სულ რამოდენიმე წუთში თქვენს სახლში ჰაერი გაგრილდება და ვეღარ იგრძნობთ შემაწუხებელ სიცხეს.
დიდ ოთახში ორი მოწყობილობა ბევრად ეფექტურია. აუცილებლად სცადეთ დამზადება და დააღწიეთ თავი ზაფხულის ცხელ დღეებს.
გაუზიარეთ ეს სტატია თქვენს მეგობრებს, რათა ისინიც გაეცნონ ამ სასარგებლო ინფორმაციას.
წარმატებას გისურვებთ!
