მოგეხსენებათ კუნთების ტკივილი თანამედროვე ცხოვრებაში არც, თუ ისე იშვიათი პრობლემაა, რაც რათქმა უნდა ბევრი გარემო პირობების გამო არის გამოწვეული. დღევანდელ ცხოვრებაში რთულია ადამიანმა დაიცვას ჯანსაღი, ჯანმრთელი ცხოვრების წესი და ამავდროულად არსებობს ბევრი სხვადასხვა პროფესია, რომელიც მოითხოვს მუდმივ ფეხზე დგომას და ამის გამო ქვედა კიდურებზე ზედმეტი დატვირთვა ხდება, რაც აღნიშნულ პრობლემას კიდევ უფრო ამძაფრებს.
აღნიშნული პრობლემის სამკურანლოდ არსებობს ბევრი სხვადასხვა, საკმაოდ ძვირადღირებული, სამედიცინო საშუალებები, რომლებსაც უმეტეს შემთხვევაში შედეგი არ აქვს და ამასაც რა თქმა უნდა სხვადასხვა მიზეზები აქვს. ამ სტატიაში კი გასწავლით ბუნებრივ და ძალიან ეფექტურ რეცეპტებს, რომლებიც ნამდვილად დაგავიწყებთ კუნთების ტკივილს.
ერთ-ერთი ამ რეცეპტის მთავარი ინგრენდიენტი გახლავთ ბაღის შროშანი, რომელსაც გააჩნია შეუდარებელი ეფექტი კუნთების ტკივილის დროს.
რეცეპტი -1 აიღეთ კარგად გაშლილი ბაღის შროშანი (რაოდენობა სურვილისამებრ) და მოათავსეთ მინის წურჭელში, შემდეგ დაასხით სუფთა სპირტი ისე, რომ მინის ჭურჭელში მოთავსებული შროშნის ყვავილი დაიაროს და მას სპირტი დაახლოებით 5 სანტიმეტრით მაღლა ასცდეთ, ამის შემდეგ აუცილებელია ჭურჭელს თავი მჭიდროთ დაახუროთ და დადოთ თვენახევრის განმავლობაში გრილ და ბნელ ადგილას. პერიოდის გასვლის შემდეგ მიღებული ნაყენით შეგიძლიათ კარგად დაიზილოთ ის ადგილები სადაც კუნთების ტკივილი არის გამოხატული და შედეგი მაშინვე გაგაოცებთ.
მოგეხსენებათ ბუნება ძალიან მდიდარია ბუნებრივი საშუალებებით, რომლითაც ნებისმიერი პრობლემის მკურნალობა არის შესაძლებელი, მთავარია სწორი და მიზნობრივი გამოყენება. კუნთების ტკივილისთვის აგრეთვე ძალიან ეფექტურია: ფიჭვის, ლავანდის, როზმარინის და ევკალიპტის ეთერზეთებით დაზელვა. აღნიშნული პროდუქტებით კუნთების დამასაჟება ადუნებს და ახურებს კუნთოვან ბოჭკოებს და აძლიერებს სისხლის მიმოქცევას. ასევე კუნთების სამკურნალოდ არაჩვეულებრივია ნაძვის, მუხის ან და ქრისტესისხლას აბაზანების მიღება.
რეცეპტი -2 აიღეთ 1 გ კარგად გამომშრალი შვიტა და დაამატეთ 4 გ დამარილებული ღორის ქონი ან და დამარილებული ნაღების კარაქი ( რა თქმა უნდა უმჯობესია ღორის ქონი) მიღებული მასა კარგად გადაურიეთ ერთმანეთში მანამ სანამ მალამოს კონსისტენციას არ მიიღებს და შემდეგ შეიზილეთ პრობლემურ ადგილას.
რეცეპტი -3 აიღეთ 1 ს/კ ვაშლის ძმარი, 1 ს/კ ნატურალური თაფლი და დაასხით 1 ჭიქა, ოთახის ტემპერატურის, წყალი და აურიეთ კარგად ერთმანეთში. აღნიშნული ნარევის მიღება შესაძლებელია დღის განმავლობაში 1-2 ჭიქა. პარალელურ რეჟიმში, თუ მტკივნეულ კუნთის ადგიილებს ვაშლის ძმრით დაიზელთ უმჯობესია. აღნიშნული პროცედურა შეგიძლიათ ერთი თვის განმავლობაში გააგრძელოთ, შემდეგ 2 კვირით შეისვენოთ და ისევ გააგრძელოთ.
რეცეპტი -4 აიღეთ კოწახურის ქერქი და დაასხით ერთი ჭიქა სუფთა, მაღალპროცენტიანი, სპირტი. ნარევი მოათავსეთ მინის, მჭიდროდ თავდახურულ, ჭურჭელში და შეინახეთ ბნელ და გრილ ადგილას დაახლოებით 10 დღის განმავლობაში. პერიოდის გასვლის შემდეგ მიღებული ნაჭენი დღეში სამჯერ შეგიძლიათ მიიღოთ 30 წვეთი. ერთთვიანი კურსის შემდეგ შეისვენეთ ორი კვირა და შემდეგ ისევ შეგიძლიათ გაიმეოროთ აღნიშნული კურში.
გისურვებთ ჯანმრთელობას!
