თითქმის ყველა ოჯახშია მიკროტალღური ღუმელი. მისი საშუალებით სწრაფადვე შეგიძლიათ მოამზადოთ, გააცხელოთ და გაალღვოთ კიდეც პროდუქტი.
დღეს გაგიზიარებთ მიკროტალღური ღუმელის გამოყენების 7 ხრიკს, რომელიც შეიძლება ჯერ არ იცით.
მიკროტალღური ღუმელის შესაძლებლობები
1. ქაფიანი ყავის მომზადება.
გნებავთ სტარბაქსის მსგავსი ყავა? თქვენ აღარ დაგჭირდებათ ყავის მოსადუღებელი სპეციალური აპარატი, როცა გაქვთ მიკროტალღური ღუმელი. შუშის ქილაში ჩაასხით ცოტაოდენი რძე, დააფარეთ თავსახური და შეანჯღრიეთ როგორც საჭიროა. ამის შემდეგ შედგით მიკროტალღურ ღუმელში 30 წამით. ამოფუებული ქაფი კოვზით დაადეთ თავზე გამზადებულ ყავას.
2. ნივრის გასუფთავება.
ნივრის თავი მოათავსეთ მიკროტალღურ ღუმელში 15 წამით ბოლო სიძლიერეზე. ნაფრცქვენი თავისით განცალკევდება ნივრისგან, თქვენ მხოლოდ უნდა მოაცილოთ ის ხელით.
3. კარტოფილის ჩიფსის მომზადება.
დაჭერით კარტოფილი თხელ, მრგვალ ნაჭრებად და დააწყვეთ პერგამენტ გადაფარებულ თეფშზე. მოასხურეთ ზეთი, მარილი და საკმაზი. მოათავსეთ მიკროტალღურ ღუმელში 3 წუთით. სამი წუთის შემდეგ გადმოაბრუნეთ და ისევ მოათავსეთ დამატებით 3 წუთით ღუმელში.
4. კანის გაცლა ბოსტნეულზე და ხილზე.
სასურველ ბოსტნეულს ან ხილს გაუკეთეთ ჯვარედინი ჩაჭრა კანზე და მოათავსეთ მიკროტალღურ ღუმელში 2 წუთით. ასე მარტივად გააცლით კანს.
5. ქილების სტერილიზაცია.
კარგად გარეცხეთ ქილები, გაწმინდეთ და მოათავსეთ მიკროტალღურ ღუმელში ბოლო სიმძლავრეზე 1,5-2 ჭუთით. როგორც კი ქილები ბოლომდე გაშრება, გამორთეთ ღუმელი.
6. პიტას დამზადება ლავაშით.
ლავაშისთვის მრგვალი ნავისებური ფორმის მისაცემად, მოათავსეთ ის ჭიქებში მრგვალად დაჭრილი. (იხ.ფოტო) ასე მოათავსეთ მიკროტალღურ ღუმელში და დატოვეთ რამოდენიმე წამით, რომ გამოშრეს.
7. ბოსტნეული ორთქლზე.
გარეცხილი და დაჭრილი ბოსტნეული მოათავსეთ შესაბამის ჭურჭელში. დააყარეთ მარილი, პილპილი და გადააფარეთ საკვები ცელოფანი. (შეარჩიეთ ისეთი, რომელიც გამოსადეგია მიკროტალღური ღუმელისთვის) მოათავსეთ ჭურჭელი 15-20 წუთით დაბალ ტემპერატურაზე.
ბოლოს რჩევა რედაქციისგან: თუ გნებავთ, რომ თქვენს სახლში უცებ დატრიალდეს სასიამოვნო სურნელი, მაშინ მოათავსეთ თეფშზე სასურველი ინგრედიენტი (ვანილი, მიხაკი, დარიჩინი და ა.შ.) და 15 წამით შედგით მიკროტალღურ ღუმელში. შედეგით სასიამოვნოდ გაოცებული დარჩებით!
აუცილებლად გაუზიარეთ ეს სტატია თქვენს მეგობრებს, რათა ისინიც გაეცნონ ამ სასარგებლო ინფორმაციას.
