გვინდა თუ არ გვინდა სიკვდილი ყველას კართან მოაკაკუნებს თავის დროზე და ეს გარდაუვალია. დასაფლავებასთა დაკავშირებული დეტალების გაცნობა ადრე თუ გვიან მოგვიწევს. მნიშვნელოვანია ვიცოდეთ, თუ როდის უნდა გავაცილოთ მიცვალებული ბოლო გზაზე.
დღეს ჩვენი რედაქცია მოგიყვებათ, თუ რატომაა მიღებული გარდაცვლილის დასაფლავება ზუსტად მესამე დღეს. ასევე გაგაცნობთ მომდევნო დღეების შესახებ გასათვალისწინებენ დეტალებს ქრისტიანული თვალსაზრისით.
გარდაცვლილის დასაფლავება მართლმადიდებლური წესის მიხედვით მესამე დღესაა მიზანშეწონილი. რატომ მესამე დღეს? რადგან პარასკევ დღეს გარდაიცვალა იესო, ხოლო კვირას დღეს აღსდგა, ეს სამი დღეც სწორედ აქედან მოდის. ქრისტიანული სწავლების მიხედვით ადამიანის სული 3 დღე დედამიწაზეა, ხოლო 9-ე დღემდე მას ანახებენ სხვა სამყაროს სიცოცხლის იქით.
როგორც წმინდა მამები ირწმუნებიან, სამი დღის მანძილზე მიცვალებულის სული თავის სხეულთანაა. თუ მიცვალებულს ადრე დავასაფლავებთ სულიც მასთან ერთად დარჩება, რადგან სხეულთან ჯერ კიდევ დაკავშირებულია. სული სამი დღის მანძილზე აუცილებლად ოჯახში უნდა იყოს ახლობლების გარემოცვაში.
მეცხრე დღიდან იწყება სულისთვის მძიმე პერიოდი, რადგან ის ხვდება განსაკითხველში. ამიტომაა, რომ მეცხრე დღიდან მეორმოცე დღემდე საჭიროა ლოცვებისა და ფსალმუნების წაკითხვა. მეორმოცე დღეს სული ხვდება უზენაეს განსაკითხველში, სადაც გადაწყდება მისი საბოლოო აგილსამყოფელი. სასურველია მესამე, მეცხრე და მეორმოცე დღეს გაკეთდეს სულისთვის საკურთხი.
ადამიანის გარდაცვალებიდან მეცხრე დღემდე აუცილებელია, რომ თავი შეიკავოთ მხიარულებისგან. თუ ამ პერიოდს დაემთხვა ქორწილი ან ნათლობა, საჭიროა მათი გადადება.
ეს თემა საკმაოდ მძიმეა და არც ისე სასიამოვნო განსახილველი, მაგრამ საჭირო ამ ინფორმაციის ცოდნა რათა სათანადოდ მივაგოთ პატივი მიცვალებულს და გავაცილოთ ბოლო გზაზე.
