ადრე თუ გვიან ყველას გვიჩნდება პირველი ნაოჭები, რპმელიც შეუმჩნევლად და უცებ ჩნდება სახის კანზე. ამან სასწარკვეთილებაში არ უნდა ჩაგაგდოთ, რადგან არსებობს გამოსავალი. მთავარია გონიერად მივუდგეთ ამ საკითხს.
დღეს გაგაცნობთ საკუთარ თავზე გამოცდილ მეთოდს, რომელიც 10 წლით პატარა შეხედულებას მოგცემთ. ეს რეცეპტი ჩემმა დაქალმა გამანდო, რომელიც კორეაში ცხოვრობდა. ყველას კარგად მოგეხსენებათ თუ რა დონეზე უვლიან კორეაში საკუთარ თავს და განსაკუთრებით სახის კანს. მათი ნატურალური კოსმეტიკური საშუალებებიც კი ძალიან პოპულარულია მთელს მსოფლიოში. მიხაკი, სელის თესლი და სხვა ნატურალური საშუალებები საკმაოდ პოპულარულია მათთან.
მიხაკის გამაახალგაზრდავებელი ეფექტი
მიხაკისგან დამზადებულ ამ საშუალებას მე ნატურალურ ბოტოქსს ვუწოდებ. ის ეფექტურად აქრობს ნაოჭებს სახეზე და კისერზე. რაც მთავარია ამას ყოველგვარი ქირურგიული ჩარევის გარეშე მიაღწევთ.
მიხაკის სკრაბი მკვდარი კანის მოსაცილებლად
- ელექტრო საფქვავში დაფქვით მიხაკი, რათა მიიღოთ მიხაკის ფხვნილი.
- ჩაყარეთ თასში 3 ს.კ მიხაკის ფხვნილი და დაასხით 1 ჭიქა წყალი. დადგით საშუალო ცეცხლზე 10 წუთით.
- ამის შემდეგ საჭიროა სითხის გაფილტვრა მარლის საშუალებით.
- სწორედ ნახარშის ნარჩენით ვამზადებთ სკრაბს: 3 ს.კ. გადაწურული მიხაკის ფხვნილი, 2 ს.კ. შაქარი და 2 ს.კ. ზეითუნის, ქოქოსის ან ნუშის ზეთი კარგად გადაურიეთ ერთმანეთს.
- წაისვით მიღებული მასა სახისა და კისრის ტერიტორიაზე. მსუბუქი მასაჟისებური მოძრაობებით დაიმუშავეთ 2 წუთის მანძილზე და შემდეგ ჩამოიბანეთ თბილი (არა ცხელი) წყლით.
ამ ნატურალურ სკრაბს კვირაში 2-ჯერ ვიყენებ.
ნაოჭების მოსაშორებელი კრემი
- აიღეთ 2 ს.კ. სელის თესლი და 1 ჭიქა წყალი. დადგით ნელ ცეცხლზე და ხარშეთ 15 წუთით ბლანტი მასის მიღებამდე.
2. გაფილტრეთ ნახარში, რათა მიღებული გელი გააცალკევოთ მარცვლისგან.
3. მიღებულ სითხეს დაუმატეთ 4 ს.კ. მიხაკის ნახარში, 1 ს.კ. ქოქოსის ზეთი და 1 ს.კ. ალოე ვერას გელი.
4. კარგად გადაურიეთ და თქვენ მიიღებთ გამაახალგაზრდავებელ გელს. ჯერ ვიმასაჟებ რამოდენიმე წუთი, შემდეგ 30 წუთით ვისმევ სახესა და კისერზე. აუცილებელია შუშის ქილაში მოთავსება და მაცივარში შენახვა.
აუცილებლად გაუზიარეთ ეს სტატია თქვენს მეგობრებს, რათა ისინიც გაეცნონ ამ სასარგებლო ინფორმაციას.
