დღეს გაგაცნობთ ორ ინგრედიენტს, რომლის საშუალებით თქვენ ჩაიტარებთ დეტოქს–პროგრამას, გაიძლიერებთ იმუნიტეტს და სისხლძარღვებს. ეს ორი ინგრედიენტი სელის თესლი და თაფლია.

მსხვილი ნაწლავი გარკვეულ პერიოდში ერთხელ საჭიროებს გაწმენდას, რათა სწორად შეძლოს ფუნქციონირება. ამიტომ მნიშვნელოვანია გარკვეულ პერიოდში ერთხელ გავიწმინდოთ ორგანიზმი ზედმეტი ტოქსინებისგან და შლაკებისგან.

თაფლი

თაფლი შეიცავს სუფთა გლუკოზას, В ჯგუფის, Е და К ვიტამინებს, კაროტინსა და ფოლიუმის მჟავას. ის ბუნებრივი იმუნოსტიმულატორია და აქვს ანტიბაქტერიული თვისებები.

თაფლი ასევე შეიცავს განსაკუთრებულ ფერმენტებს, რომელიც ცხიმების სწორად დაშლას უწყობს ხელს. ის აწესრიგებს საჭმლის მომნელებელ სისტემას, აღადგენს ძილის რეჟიმს და აქვს დამამშვიდებელი ეფექტი.

სელის თესლი

სელის თესლი შეუცვლელი პროდუქტია თავისი შემადგელობიდან გამომდინარე. ის შეიცავს დიდი რაოდენობით აქტიურ მჟავებს და ცელულოზას, რომელიც ხელს უწყობს ნივთიერებათა ცვლის დაჩქარებას. სელის თესლი ხელს უწყობს ორგანიზმიდან ტოქსინების გამოდევნას და ეფექტურია გასტროენტერიტის, ათეროსკლეროზის, ყაბზობის, ალერგიის დროს.

სელის თესლი შეიცავს დიდი რაოდენობით სელენს და ფიტოესტროგენებს, რომელიც ფასდაუდებელია ქალბატონების ჯანმრთელობისთვის. მასში შემადგენელი ნატურალური ჰორმონები, ლიგნანები ხელს უწყობს მავნე ესტროგენების მოქმედების დაბლოკვას.

მსხვილი ნაწლავის პრობლემის შესახებს მიგვანიშნებს ყაბზობა, წვა მკერდის არეში, ჭარბი ოფლიანობა, კანის არაჯანსაღი ფერი, პირიდან უსიამოვნო სუნი, აპათია და თავის ტკივილები.

როგორ გავიწმინდოთ ნაწლავები?

დაგჭირდებათ:

– 1 ს.კ. სელის თესლი
– 1 ს.კ. თაფლი
– 1 ცალი მწვანე ვაშლი
– 1 ჭიქა წყალი

მომზადების წესი:

ყველა ინგრედიენტი დააბლენდერეთ ერთგვაროვანი მასის მიღებამდე. ასეთი კოქტეილი უნდა მიიღოთ 2 დღეში ერთხელ 1 თვის მანძილზე.

თუ კუჭი გაქვთ გაღიზიანებული, მაშინ სელის თესლი ჯერ დაამუშავეთ ორთქლზე. ამ შემთხვევაში კურსი შედარებით ხანგრძლივი იქნება, მაგრამ კუჭის უფრო გაღიზიანებას ავირიდებთ თავიდან.

მომზადების წესი:

1 ჭიქა მდუღარე წყალში ჩაყარეთ 1 ს.კ. სელის თესლი და დაელოდეთ სანამ არ გაიკეთებს ლორწოვანს გარსს. როცა წყალი გაგრილდება, დაუმატეთ 1 ს.კ. თაფლი. ასეთი კოქტეილი მიიღეთ ყოველდღე ორი კვირის განმავლობაში წამამდე 30 წუთით ადრე. ორი კვირის შემდეგ კოქტეილის პირველი რეცეპტით მიღება დაიწყეთ.

4 კვირიანი კურსის შემდეგ დაიწყეთ წყლიანი კეფირის ან მაწვნის მიღება. ეს კარგად იმოქმედებს ნაწლავების მიკროფლორაზე.

ჯანმრთელობას გისურვებთ!