ვფიქრობ ხილს ზამთრისთვითვის მხოლოდ იმიტომ ვყინავ, რომ შემდეგ გავაკეთო ჩემი საფირმო ალუბლის ტორტი. მომჟავო-მოტკბილო ხილით დესერტი გამოდის უმეგრიელესი. ბევრი რამის მომზადებაა შესაძლებელი, მაგრამ მე ყველაზე მეტად მიყვარს ალუბლის ტორტი!
ეს რეცეპტი ნებისმიერი დიასახლისის ოცნებაა. ამ ტორტის მოსამზადებლად დაგჭირდებათ მხოლოდ 4 ინგრედიენტი. თან არ დაგჭირდებათ არანაირი ძვირადღირებული კრემ-ყველის ან რაიმე სპეციალური ორცხობილის შეძენა. ამ უგემრიელეს დესერტს მოამზადებთ სულ რაღაც 15 წუთში!
როგორ მოვამზადოთ ალუბლის ტორტი ორცხობილის და გამოცხობის გარეშე
ამ ალუბლის ტორტის გამოსაცხობად დაგჭირდებათ ცხიმიანი არაჟანი, უმჯობესია 30%-იანი. თუ არ აღმოგაჩნდათ გაყინული ალუბალი, მაშინ გამოიყენეთ კენკრა ან თუნდაც მურაბა.
დაგჭირდებათ:
- არაჟანი 600 მლ.
- მოხარშული შედედებული რძე 370 მლ.
- ე.წ. სომხური ლავაში 4 ცალი
- ალუბალი 500 გრ.
- შავი შოკოლადი გემოვნებით
მომზადების წესი:
- ათქვიფეთ არაჟანი მიქსერის საშუალებით 1 წუთის განმავლობაში.
- დაუმატეთ მოხარშული შედედებული რძე და განაგრძეთ თქვეფა. უნდა მიიღოთ ჰაეროვანი მასა.
- დაჭერით ლავაში მართკუთხედებად. თითოეულზე დააწყვეთ ალუბალი და გადაახვიეთ რულეტებად ფორმებად. მოაჭერით ბოლოები და გაიმეორეთ იგივე დანარჩენ დაჭრებზე.
- ფორმაში ჩააწყვეთ ფენა-ფენა გადახვეული ლავაშები და თითოეულ ფენაზე გადაუსვით კრემი.
- გამზადებული ტორტი მოათავსეთ მაცივარში რამოდენიმე საათით ან უმჯობესია მთელი ღამით.
- ზევიდან შეგიძლიათ გააფორმოთ გახეხილი ან გამდნარი შავი შოკოლადით.
სახლის პირობებში ამ ტორტის მომზადება განსაკუთრებით მარტივია. ის ისე გამოიყურება, რომ ყველაზე ძვირადღირებული საკონდიტროს ნაწარმი გეგონებათ.
აუცილებლად გაუზიარეთ ეს სტატია თქვენს მეგობრებს, რათა ისინიც გაეცნონ ამ სასარგებლო ინფორმაციას.
