თქვენი აზრით 100 წლის ასაკში შესაძლებელია შრომისუნარიანობისა და ნათელი გონების შენარჩუნება? რთული კითხვაა ხომ?
სამედიცინო მეცნიერებათა კანდიდატი და ცნობილი ექიმი, ბუნებრივად გაჯანსაღების სისტემის ავტორი გალინა შატალოვა ამტკიცებს, რომ ეს შესაძლებელია და არაფერია ამაში წარმოუდგენელი.
მისი თქმით, ამისთვის მხოლოდ ცხოვრების ისეთი წესის შენარჩუნებაა საჭირო, რაც ბუნებისგან გვერგო.
გალინა შატალოვა:
დაიცავით კვების ნორმები, იმოძრავეთ მეტი, ისწავლეთ სწორად სუნთქვა და პოზიტიურად აზროვნება.
გალინა შატალოვამ თავის თავზე გამოსცადა ამ სისტემის ეფექტურობა. გაგიკვირდებათ და 100 წელს მიახლოებულიც კი თავისუფლად ჯდებოდა შპაგატში, დარბოდა და რეგულარულად ბანაობდა ცივ წყალში.
გალინა შატალოვა
გალინა 23 წლის ასაკში გახდა სამხედრო ქირურგი. მას სსრკ–ს ნეიროქირურგიის მეცნიერებათა აკადემიის ინსტიტუტშიც იწვევდნენ.
1951 წელს დაიცვა საკანდიდატო დისერტაცია, რამაც დიდი აღიარება ჰპოვა სამედიცინო წრეში. 1960 წელს თავად ჩაუდგა სათავეში კოსმონავტების შერჩევის პროექტს.
შატალოვაზე დიდი გავლენა მოახდინა აღმოსავლურმა გამაჯანსაღებელმა პრაქტიკებმა და პროფესორ იური ნიკოლაევის შიმშილის მეთოდმა. სწორედ ამ დროს გადაწყვიტა შატალოვამ, რომ კიდევ ერთხელ გადაეხედა ოფიციალური მედიცინის სამკურნალო მეთოდებისთვის.
შატალოვა:
სამწუხაროდ ექიმთა უმრავლესობა მხოლოდ სიმპტომებს კურნავს და არა მიზეზს. ამიტომ ხდება დაავადებები ხშირად ქრონიკული. ადამიანებს კი განკურნების ნაცვლად, მხოლოდ სიცოცხლეს უხანგრძლივებენ.
ქალბატონმა გალინამ უამრავი კვლევა ჩაატარა და დაასკვნა, რომ ადამიანის ორგანიზმს აქვს დაავადებებთან დამოუკიდებლად გამკლავების რესურსი. მან ისიც აღნიშნა, რომ თავად ვართ დამნაშავეები დაავადებების წარმოქმნაში და იმაშიც, რომ მათ ვერ ვუმკლავდებით.
სამოცდაათიან წლებში მან მიატოვა ტრადიციული მედიცინა და მთლიანად გაჯანსაღების საკუთარ სისტემას მიუძღვნა თავი.
შატალოვამ გამოსცა წიგნები: “ადამიანის ჯანმრთელობა: ფილოსოფია, ფიზიოლოგია, პროფილაქტიკა”, “სამკურნალო კვება”, “გზის არჩევა” და სხვა. ამ წიგნებში აქვს აღწერილი თავისი შეხედულებებიდა კვების სისტემა დეტალურად.
რას გულისხმობს შატალოვას სისტემით კვება?
კვების სისტემას სატალოვამ მიუძღვნა წიგნი “სამკურნალო კვება: სამკურნალო, ყოველდღიური, სადღესასწაულო”.
შატალოვა:
ადამიანისთვის ბუნების მიერ გაწერილი მკურნალობა ერთ-ერთი მთავარი საყრდენია გაჯანსაღების მხრივ. კომპლექსურ–ფიზიკურ, სუნთქვით სავარჯიშოებთან და შეჩვევის პროცედურებთან ერთად, იგი საშუალებას გვაძლევს ადამიანი მძიმე ქრონიკული დაავადებების, მათ შორის, გულის დაავადებებისა და კიბოსგანაც გავათავისუფლოთ.
შატალოვას გამაჯანსაღებელი სისტემა მთლიანად განსხვავდება სწორი კვების ტრადიციული პრინციპებისგან და ჩვეულებრივი დიეტებისგანაც.
1. სახეობრივი კვება
აკადემიკოსმა ვერნადსკიმ გამოთვა მოსაზრება იმის შესახებ, რომ ადამიანის ორგანიზმს სავსებით აკმაყოფილებს ისეთი საკვები, რომელიც ბუნებითაა განსაზღვრული. კვების ასეთ ტიპს ეწოდება სახეობრივი.
შატალოვას თქმით – ხორბლეული, ბოსტნეული, თხილი და ხილი სახეობრივი საკვებია. ადამიანის ორგანიზმი მთლიანადაა მორგებული ასეთი საკვების მიღებას. ხოლო ხორცი, თევზი, რძის პროდუქტი, ყავა და სხვა მასტიმულირებელი საკვები ადამიანისთვის საზიანოა.
ამ მოსაზრებას ბევრი შეიძლება არც დაეთანხმოს, რადგან თუნდაც იგივე ყავაზე არსებობს მეცნიერული კვლევა რომელიც მის სარგებლიანობაზე მეტყველებს.
2. რაციონის კალორიულობის შემცირება
შატალოვა:
მხოლოდ სახეობრივი საკვების ჭამა საკმარისი არაა, აქაც აუცილებელია ზომიერების დაცვა.
შატალოვას თქმით აუცილებელია ყოველდღიური რაციონის რაოდენობის გაკონტროლება. ჯმო–ს ექსპერტების თქმით, დღეში ქალს 2000, ხოლო მამაკაცს 2400 კკალ ჭირდება. გალინა ამ ნორმას არ ეთანხმება და ამბობს, რომ 40 წლის ასაკში ის დღეში 500–900 კკალ–ს ღებულობდა და ჯანმრთელობის მხრივაც არაფერს უჩიოდა.
და მაინც რას გულისხმობა შატალოვას სისტემა?
ეს არის საკვების მიღების განსაკუთრებული სქემა. საუზმე დაახლოებით 11–12 საათზე უნდა მიიღოთ. ბალახეულის ჩაი თაფლთან ერთად სავსებით საკმარისია. საკვების შემდეგი მიღება 17:00–18:00 საათზე უნდა მოხდეს, ისიც მსუბუქად და ბოლოს საღამოს შეიძლება მივირთვათ ჩაი, ბალახის ნაყენი ან ჩირის ნახარში. უნდა გაითვალისწინოთ ისიც, რომ ულუფის ზომა არ უნდა აღემატებოდეს იმ რაოდენობას, რაც ხელის გულში შეიძლება ჩაგეტიოთ.
