გონებისა და ტვინისთვის ძალიან კარგია ლოგიკური ამოცანების ამოხსნა და კითხვა. თუმცა ყველაზე დიდ როლს თამაშობს კვება. უმრავლესობა ზრუნავს იდეალური კანისა და სხეულის შენარჩუნებაზე, ტვინზე კი ფაქტიურად არავინ. რუმინელი ნეიროქირურგი ვლად სიურეა ირწმუნება, რომ ჯანსაღი ტვინის და საღი გონების შენარჩუნება საკმაოდ მარტივია.
დღეს გაგიზიარებთ ყოველდღიურ სასარგებლო რჩევებს და გგაცნობთ საკვებსაც, რომელიც სასარგებლოა ტვინისთვის.
ნეიროქირურგი:
ჩვენ ტვინს მუდმივად ვძაბავთ, სანაცვლოდ კი არაფერს ვაძლევთ.
როგორ გავიუმჯობესოთ ტვინის მუშაობა და მეხსიერება?
ვლად სიურეა:
ჯანსაღი ტვინის და საღი გონებისკენ გადადგმული პირველი ნაბიჯები ძალიან მარტივი და ყველასთვის ხელმისაწვდომია.
50 წლიანი გამოცდილების მქონე ნეიროქირურგი ირწმუნება, რომ აუცილებელია ყოველ დილით დავლიოთ 2 ჭიქა თბილი წყალი.
ვლად სიურეა:
დილით რაც შეიძლება ადრე უნდა ადგეთ, ფანჯრები გააღოთ და სუფთა ჰაერი შეისუნთქოთ. რაც მთავარია ჭიქა წყლის დალევა არ დაგავიწყდეთ.
ნეიროქირურგის თქმით, პირველი ჭიქა კუჭ–ნაწლავის ტრაქტის გაშვებას უზრუნველყოფს. მეორეს კი მთელი ორგანიზმი მოჰუავს მოძრაობაში. ტვინი ყველაზე აქტიურია 10-12 და 16-18 საათებს შორის. ზედმეტად დაღლილობის შემთხვევაში შეგიძლიათ ყავაც მიიღოთ. აუცილებელია საუზმის მიღება ყოველდღე, რათა ტვინმა ძილის შემდეგ საჭირო მიკროელემენტები მიიღოს.
აუცილებელია, რომ ისაუზმოთ მშვიდ გარემოში. არ იფიქროთ არაფერზე რაც აგაღელვებთ, დატკბით თითოეული ლუკმით. მოდუნდით მაქსიმალურად. ამის მიუხედავად არ დაგავიწყდეთ ზომიერებაც საკვების მიღების დროს. სითხეებს შორის უპირატესობა მიანიჭეთ წყალს.
ტვინისთვის ტკბილეულიდან კარგია შავი შოკოლადი, ცხელი ნატურალური კაკაო და თაფლი. თუმცა აქაც არ დაივიწყოთ ზომიერება და ეცადეთ არ მიიღოთ ტკბილეული დიდი რაოდენობით, რადგან მავნებელია.
ვლად სიურეა:
საკვებში შეზღუდვები არა კატეგორიული, არამედ ზომიერი უნდა იყოს. მიირთვით ყველაფერი, მაგრამ მცირე რაოდენობით. მიიღეთ დაბალ კალორიული ხორცი. ყველაზე სასარგებლო ინდაურისა და თევზის ხორცია. ტვინზე ზედმეტი მარილი და ცხიმი ნეგატიურ გავლენას ახდენს.
ტვინი ძილის დროსაც მუშაობს. ღამის გათენებით ან უძილობით ის ძალიან იტვირთება. აუცილებელის სწორი ძილის რეჟიმი.
ექიმი:
როცა ადამიანი რთულ საკითხზე ფიქრით იძინებს და არ იცის როგორ გადაჭრას ის, მეორე დილით მას აუცილებლად ექნება პასუხი. ტვინი თქვენს ფიქრებსა მეხსიერებას შორის კავშირს ამყარებს და დილით მოგაწვდით იდეას. ამიტომ დაივიწყეთ უძილო ღამეები.
სწორი ძილისა და კვების რეჟიმის გარდა, აუცილებელია ფიზიკური აქტივობაც. ფიზიკურ აქტივობაში უბრალოდ ფეხით სიარულიც ითვლება.
მეხსიერებისა და ჯანსაღი ტვინის შესანარჩუნებლად ასევე კარგია ცეკვა და მუსიკის მოსმენა. ცეკვა ალცჰაიმერის განვითარებას აფერხებს.
ვლად სიურეა:
ღიმილი ტვინის საუკეთესო მეგობარია. თქვენს გონებრივ მდგომარეობის გაუმჯობესებაში და დარდთან გამკლავებაში დადებითი ემოციები დაგეხმარებათ. ასე რომ, ხშირად შემოიკრიბეთ თქვენი საყვარელი ადამიანები და ეცადეთ აკეთოთ ის რაც გაბედნიერებთ.
