შემოდგომა–ზამთრის პერიოდი ბევრ ადამიანში იწვევს სტრესს. ამ პერიოდში ხდება ადამიანის ორგანიზმის გადაწყობა, რომ უნდა შეეგუოს სიცივეს, ქარს და სიბნელეს უმეტეს წილად. აქედან გამოდინარე ორგანიზმიც თავისებურად გამოხატავს რეაქციას და ხდება დაღლილობის, ძილიანობის მომატება, ტვინის მუშაობის ეფექტურობის შემცირება.
ცნობილი ნეიროქირურგი და პროფესორი ვლად სიურეა ამბობს, რომ უნდა შევიცვალოთ გარკვეული ჩვევები რათა ამ რთულ პერიოდს პოზიტიურად გავართვათ თავი.
როგორ მოვიპოვოთ პოზიტიური განწყობა?
ვლად სიურეა:
„ჩემი პაციენტების სახეზე ხშირად ვხედავ ტანჯვას . ნეიროქირურგიული ჩარევა მათ უფრო აშინებთ, ვიდრე თავად პრობლემა. ეს ნორმალურია.“
პროფესორმა დაწერა საკმაოდ ცნობილი წიგნი ტვინის მუშაობის შესახებ. ცნობილ ნეიროქირურგს 20 ათასზე მეტი ოპერაცია აქვს თავის ტვინზე ჩატარებული. ის ამბობს, რომ: „ტვინი ის ორგანო არაა, რომლის გაკონტროლებაც ჩვენ შეგვიძლია. შესაძლოა, არ იცით, რომ ტვინს დასვენება და ყურადღება სჭირდება“
ორგანიზმის აქტიურობას მთლიანად ამცირებს დღის სინათლის ხანგრძილოვით გამოწვეული ბიორიტმის ცვლილება, რომელიც თავის მხრივ მოქმედებს ტონუსზე. ხშირად ამ ცვლილებების კომპენსაციისთვის ვიღებთ ზედმეტი რაოდენობით სასმელს, საკვებს, ყავას, დიდხანს ვზივართ კომპიუტერთან და ბევრს ვეწევით.
პროფესორი გვიხსნის, რომ: „ტვინი არასდროს ისვენებს, მაგრამ არსებობს რამდენიმე მეთოდი რომ ამ ორგანოს მივცეთ დასვენების საშუალება და სტიმული . დიახ, ტვინის პოზიტიური სტიმულები სჭირდება“
ეს სტიმული შეიძლება იყოს ლამაზი პეიზაჟი, ნათელი ცა, საყვარელი სიმღერა და ასევე გაღვიძებისთანავე მიღებული წყალი. ანუ ყველაფერი რაც გიყვართ და განწყობას აგიმაღლებთ, მაგრამ არა ჯანმრთელობის ხარჯზე.
პროფესორი გვირჩევს, რომ ტვინის ნეგატიური აზრებისგან გასანთავისუფლებლად და მის განსატვირთად ტელევიზორთან კონტაქტი მინიმუმამდე დავიყვანოთ. ასევე სასურველია არ დაიძინოთ მობილურ ტელეფონთან ერთად. ძილის წინ ღვინის ზომიერად მიღება სასარგებლოა, მაგრამ არ უნდა გადაამეტოთ რადგან ღვინო ნერვულ უჯრედებს ებრძვის.
ვლად სიურეა:
„თუ მწეველი ხართ, ერთი ნამდვილად ხარისხიანი სიგარა იყიდეთ. ხოლო დღეში ერთი კოლოფი სიგარეტი კატეგორიულად აკრძალულია“
ამიტომ ეცადეთ გონება გაანთავისუფლოთ ნეგატიური აზრებისგან. სიხარული ეს ტვინის ნამდვილი საკვებია!
ჯანმრთელობას გისურვებთ!
