ლიმონიანი წყლის სასარგებლო თვისებები

ყველას არ უყვარს წყლის დალევა, არადა კარგად იცით რომ აუცილებელია მისი მიღება თქვენი ორგანიზმისთვის. ზოგიერთი ადამიანი წყალს არომატისთვის უმატემს ლიმონის წვენს ან მის ნაჭერს.

სპეციალისტთა უმეტესობა თვლის, რომ ასეთი სახით წყლის მიღება არანაირად არ ავნებს ორგანიზმს. თუმცა მიღების დროს მაინც უნდა გაიაროთ კონსულტაცია ექიმთან, თუ გაქვთ კუჭ-ნაწლავის ტრაქტის პრობლემა. ამასთან ერთად ზედმეტად მგრძნობიარე კბილებზეც შესაძლოა იმოქმედოს მომჟავო წყალმა.

ლიმონიანი წყალი საკმაოდ პოპულარულია, განსაკუთრებით წონაში დაკლების მსურველთა შორის. თუმცა ის ნამდვილად ვერ შეძლებს, რომ წონაში დაგაკლებინოთ წარმოუდგენლად დიდი კილოგრამები, სამწუხაროდ ეს ასე არ არის.  მიუხედავად ლიმონის ძალიან ბევრი სასარგებლო თვისებისა, მისი გადამეტებული დოზით მიღებაც ნამდვილად არ არის რეკომენდირებული.

ლიმონი მდიდარია ვიტამინებითა და მიკროელემენტებით (კალიუმი, მაგნიუმი, ფოსფორი და ფოლიუმის მჟავა). ის ნამდვილად აძლიერებს თქვენს იმუნიტეტს და მისი მიღება თბილ წყალთან ან ჩაისთან ერთად, ნამდვილად აგარიდებთ თავიდან სხვადასხვა სეზონურ დაავადებებს..

გარდა ამისა, ლიმონიანი წყლის მიღება თავს ბევრად მხნედ გაგრძნობინებთ. ეს განსაკუთრებით მნიშვნელოვანია წელიწადის ცივ პერიოდში. მიიღეთ ყოველდღე თბილი ლიმონიანი წყალი ან ჩაი და აიმაღლეთ გუნება-განწყობილება ზამთრის ცივ დღეებში.

მართალია მგრძნობიარე კბილის ემალისთვის ლიმონიანი წყალი არც ისე სასიამოვნოა, მაგრამ ამ პრობლემის მოგვარება საკმაოდ მარტივია. უბრალოდ წყალში ცოტა ლიმონის წვენი ჩააწვეთეთ და დალიეთ ის საწრუპის მეშვეობით. ლიმონიანი წყალი ყავაზე არანაკლებ გამოგაფხიზლებთ და აგავსებთ დილით ენერგიით.

თუ ლიმონის გემო თქვენთვის მიუღებელია, თავს ძალა არ დაატანოთ. თუ მაინც გადაწყვეტთ მის გამოყენებას, მაშინ ეცადეთ მიიღოთ სხვადასხვა ხილის წვენთან ერთად, რათა გაანეიტრალოთ მისი გემო. როგორც ზემოთ ავღნიშნეთ, ლიმონსაც აქვს გარკვეული უკუჩვენებები და გირჩევთ ყოველდღიურად გამოყენებამდე გაიაროთ კონსულტაცია მკურნალ ექიმტან.

ლიმონიანი წყალი ნამდვილად სასარგებლოა ორგანიზმისთვის, მაგრამ არ დაივიწყოთ მისი ზომიერად მიღების წესები.

აუცილებლად გაუზიარეთ ეს სტატია თქვენს მეგობრებს, რათა ისინიც გაეცნონ ამ სასარგებლო ინფორმაციას.

ჯანმრთელობას გისურვებთ!