ადამიანთა უმრავლესობისთვის სამწუხაროდ ნაცნობი სიტუაციაა სტრესი, უძილობა, გაღიზიანება, შფოთვა.. ამ ყველაფერს ხელს უწყობს არასწორი კვების რეჟიმი, არაჯანსაღი ცხოვრების წესი და დაბინძურებული გარემო. თუმცა შეგვიძლია თავი დავიცვათ მავნე ფაქტორების ზეგავლენისგან გარკვეული ზომების მიღებით.
პროფილაქტიკური გასაჯანსაღებელი ზომების მიღება მარტივი და საუკეთესო გამოსავალია ამ შემთხვევაში ორგანიზმის დასაცავად.
სპეციალისტები გვირჩევენ მივიღოთ სააფთიაქო პრეპარატი – გლიცინი. ჩვენ კი გაგაცნოთ მის სასარგებლო თვისებებს.
გლიცინი არის ამინომჟავა, რომელიც ორგანიზმში მიმდინარე ბიოაქტიურ პროცესებში აქტიურად მონაწილეობს.
ის ნერვული იმპულსების დასარეგულირებლად და ადამიანის ფსიქოლოგიური მდგომარეობის გასაუმჯობესებლად გამოიყენება. მისი მიღებიდან სულ რაღაც 20 წუთში უკვე იგრძნობთ შედეგს…
გარდა ამისა, გლიცინი ხელს უწყობს ისეთი ნივთიერებების გამომუშავებას, რომელიც ორგანიზმიდან შლაკების გამოდევნას უზრუნველყოფს.
ის უფრო მეტი პოპულარობით სარგებლობს ხანდაზმულ ადამიანებში, რადგან ხელს უწყობს სტრესის, გაღიზიანების და შაკიკის დამარცხებას. ასევე შფოთვის მოხსნასა და გონებრივი უნარების გაუმჯობესებას. თუმცა ამ პრეპარატს ექიმები ზედმეტად აქტიურ ბავშვებსაც უნიშნავენ.
გლიცინის სასარგებლო თვისებები
1. ხსნის სტრესს და ნერვულ დაძაბულობას
2. აუმჯობესებს განწყობას
3. არეგულირებს ძილის რეჟიმს
4. ზრდის ფიზიკურ და გონებრივ შრომისუნარიანობას
5. ამცირებს ვეგეტატიურ-სისხლძარღვოვანი დარღვევების განვითარების რისკს
6. ამცირებს ალკოჰოლის მავნე, ტოქსიკურ ზეგავლენას ჩვენს ორგანიზმზე
სად შევიძინოთ და როგორ მივიღოთ ეს პრეპარატი?
ეს პრეპარატი აბსოლუტურად ყველა სააფთიაქო ქსელში გაიცემა რეცეპტის გარეშე, თან საკმაოდ იაფია. გლიცინის სასარგებლო გავლენა ჩვენს ორგანიზმზე უკვე მრავალწლიანი პრაქტიკითაა დამტკიცებული.
მიუხედავად მისი ეფექტურობისა, ჩვენ მაინც გირჩევთ წინასწარ გაიაროთ კონსულტაცია ექიმთან.
პაციენტის მდგომარეობაზეა დამოკიდებული მისი დოზირება
– ნერვულ სისტემასთან დაკავშირებული პრობლემების დროს (აგრესია, უძილობა, მშფოთვარება) მიიღება 1 აბი გლიცინი დღეში 2-ჯერ ან სამჯერ მინიმუმ 2 და მაქსიმუმ 4 კვირის განმავლობაში.
– თუ თქვენი პრობლემა მხოლოდ უძილობით შემოიფარგლება, მაშინ მიიღეთ 1 ან 2 აბი გლიცინი დაძინებამდე რამოდენიმე წუთით ადრე.
– ჭარბი სტრესისა და ემოციური გადაღლილობის დროს მიიღეთ 1 აბი გლიცინი დღეში 2-ჯერ ან 3-ჯერ. კურსის ხანგრძლივობა 2-დან 4 კვირამდე.
– ალკოჰოლზე დამოკიდებულების დასამარცხებლად მიიღება ერთი აბი გლიცინი დღეში 2-ჯერ ან 3-ჯერ.
გლიცინის მიღება დასაშვებია ორსულობის დროს, თუმცა ამ შემთხვევაშიც გირჩევთ მკურნალ ექიმტან კონსულტაციის გავლას.
ზოგადად გლიცინს არ გააჩნია უკუჩვენება. თუმცა მისი მიღება არ შეიძლება 2 წლამდე ასაკის ბავშვებისთვის და დაბალი არტერიული წნევის მქონე ადამიანებისთვის.
გისურვებთ ჯანმრთელობას !
