როგორ კვებავს, ატენიანებს და ხდის გლუვს სახის კანს ბანანის ნიღაბი? ყველაფერი C ვიტამინის დამსახურებაა, რომელიც ანელებს დაბერების პროცესს, B ვიტამინი ეფექტურია ახალგაზრდობის შესანარჩუნებლად, ხოლო ვიტამინი E ხელს უშლის უჯრედების დაბერების პროცესს. ჩვენ გთავაზობთ 7 განსხვავებულ ნიღაბს, თქვენ კი აირჩიეთ თქვენი შესაბამისი.

სახის 7 ნიღაბი კანის სწრაფი გარდაქმნისთვის

რაღა თქმა უნდა შეუძლებელია უნივერსალური ნიღბის მოძებნა, რომელიც მოგიგვარებთ ერთად უამრავ პრობლემას. თუმცა შეგიძლიათ აირჩიოთ ერთი რომელიმე პრობლემური ზონა და დაამზადოთ ამ პრობლემის შესაბამისი ერთი კონკრეტული ნიღაბი. ასევე გაითვალისწინეთ ინდივიდუალური აუტანლობა რომელიმე კომპონენტის მიმართ.

1. ანტი ასაკობრივი. გაჭყლიტეთ ბანანი ჩანგლით. აურიეთ 50 მლ. ნატურალურ იოგურტს და 2 ჩ.კ. თხევად თაფლს. წაისვით სუფთა კანზე თანაბარი სისქით. დაიცადეთ 10 წუთი და შემდეგ ჩამოიბანეთ თბილი წყლით.

2. პილინგი. ბანანი, 1 ჩ.კ. ფორთოხლის წვენი, 0,5 ჩ.კ. დაფქული ყავა და 0,5 ჩ.კ. კეფირი აურიეთ ფაფისებური მასის მიღებამდე. წაისვით სახეზე 15 წუთით. შემდეგ წრიული მოძრაობით გაიკეთეთ მასაჟი. ნიღბის ნარჩენები ჩამოიბანეთ თბილი წყლით.

3. კანის დამატენიანებელი. აურიეთ ერთმანეთს 1 ბანანის რბილობი, 1 კვერცხის გული და 1 ჩ.კ. არაჟანი. წაისვით სახეზე ნახევარი საათით და შემდეგ ჩამოიბანეთ წყლით.

4. ცხიმიანი კანისთვის. შეურიეთ ერთმანეთს ნახევარი ბანანი და 1 ს.კ. ლიმონის წვენი. წაისვით სუფთა კანზე 15 წუთით და შემდეგ ჩამოიბანეთ ცივი წყლით.

5. დეკოლტეს ზონისთვის. დააბლენდერეთ ბანანი, 2 ს.კ. დაბალ ცხიმიანი ნაღები და 1 ს.კ. თაფლი. მიღებული მასა წაისვით სახეზე, ყელზე და დეკოლტეს ზონაზე 30 წუთით. ჩამოიბანეთ ოთახის ტემპერატურის წყლით და შემდეგ წაისვით დამატენიანებელი კრემი.

6. გამათეთრებელი ეფექტი. გაჭყლიტეთ ნახევარი ბანანი და 1 ცალი კანგაცლილი  ფორთოხლის ლებანი. წაივით სახეზე 15 წუთით და შემდეგ ჩამოიბანეთ. ეს ნიღაბი ყველაზე მგრძნობიარე კანისთვისაც კი გამოდგება.

7. მშრალი კანისთვის. კარგად დამწიფებული ბანანი, 1 კვერცხის გული და 2 ს.კ. რძე შეურიეთ ერთმანეთს. წაივით კანზე 20 წუთით და შემდეგ ჩამოიბანეთ ოთახის ტემპერატურის მინერალური წყლით.

გამოსცადეთ ამ ნიღბების სასწაულებრივი შედეგი თქავენს კანზე და აუცილებლად გაუზიარეთ ეს სტატია თქვენს მეგობრებს, რათა ისინიც გაეცნონ ამ სასარგებლო ინფორმაციას.