აზიურ სამზარეულოში წყალმცენარეები ერთ-ერთ ძირითად პროდუქტად ითვლება. ყველამ კარგად ვიცით თუ რამდენად კარგად ინარჩუნებენ ისინი ახალგაზრდულ იერსახეს და თან მათი სისცოცხლის ხანგრძლივობაც ბევრად აღემატება ევროპელებისას. მოდით გავიგოთ რომელი ზღვის ფლორა უწყობს მათ ხელს ჯანმრთელობის შენარჩუნებაში.

წყალმცენარეების სასარგებლო თვისება

საკვებად გამოსადეგი წყალმცენარეები

ლამინარია

ის უფრო მეტად ცნობილია ზღვის კომბოსტოს სახელით. ლამინარიის ყველაზე დიდი ღირებულება არის ის, რომ შეიცავს იოდს ორგანული ფორმით. ეს საკმაოდ დიდ იშვიათობას წარმოადგენს. ყველაზე საინეტრესო ის არის, რომ ლამინარიის შემადგენელი მინერალების ნაკრები ძალიან ჰგავს შემადგენლობით ჩვენს სისხლს.

სპირულინა

ეს მიკროსკოპული ძაფისმაგვარი მცენარე შესაძლოა შეგხვდეთ ფხვნილის ან აბების სახით. სპირულინას იყენებენ საკვები დანამატის სახით. ის შეიცავს დიდი რაოდენობიღ ცილას, B, A, PP ჯგუფის ვიტამინებს და ფოლიუმის მჟავას, რომელიც ანელებს დაბერების პროცესს.

არემე

მოშავო-მოყავისფერო ფერის წყალმცენარე იყიდება გამომშრალი სახით. ის ხრაშუნა და საკმაოდ სასიამოვნო გემოს მქონეა. მისი დამატება შესაძლებელია ბოსტნეულის რაგუში ან თევზთან. არამე ხელს უწყობს ორგანიზმის გაწმენდას, იმუნიტეტის გაძლიერებას და წონის ნორმალიზებას. ხოლო ანტიოქსიდანტების და ფიტოქიმიური ნივთიერებების მაღალი შემცველობის წყალობით ის შეუცვლელია სიმსივნური დაავადებების პროფიალქტიკისთვის.

ვაკამე

ამ მოყავისფრო წყალმცენარეს აქვს მოტკბო გემო, რომელიც ისპანახსაც მოგვაგონებს. მას ძირითადად იყენებენ სალათებში და წვნიანებში. მისი რეგულარული მოხმარებისას უმჯობესდება კანის, თმის და ფრჩხილების მდგომარეობა. ვაკამე ამაღლებს ორგანიზმის ტონუსს და დაგეხმარებათ დეპრესიის გადალახვაშიც კი. მისი განსაკუთრებული ღიებულება კალციუმის დიდი შემცველობა. შესადარებლად გეტყვით, რომ მასში კალციუმის შემადგენლობა 15-ჯერ აღემატება რძის პროდუქტებისას.

კომბუ

ეს მუქი მწვანე ფერის წყალმცენარე საკმაოდ პოპულარულია ვეგეტარიანულ სამზარეულოში. ვიტამინების და მინერალების გარდა ის შეიცავს დიდი რაოდენობით მცენარეულ უჯრედისს. გაჟღენთილ ფოთლებს უმატებენ წვნიანებს გემრიელი ბულიონს მისაღებად. ხოლო კომბუს სალათი აუცილებლად უნდა შეაზავოთ სოიოს სოუსით.

არსებობს ოთხი ძირითადი გემო: ტკბილი, მჟავე, მწარე და მარილიანი. გემოს ბუნებრივმა გამაძლიერებელმა (გლუტამინის მჟავა), რომლითაც ასე მდიდარია კომბუ, დაგვეხმარა მეხუთე სახის გემოს გახსნაში – უმამი. ეს არის მაღალი ცილოვანი ნივთიერებების გემო. აი რატომ არის ნაყიდი ძეხვი ასეთი გემრიელი.

ნორი

ზღვის კომბოსტოს შემდეგ ის მეორეა პოპულარობით. ნორის ბურცლებში ახვევენ თქვენთვის ასე საყვარელ როლებს. მას ასევე ამატებენ ბრინჯში და ნუდლსში. ნურის თხელი ფოთლები მდიდარია ცილით, ფოსფორით, კალციუმით, A და C ვიტამინით. მისი ხშირი მოხმარება დადებითად მოქმედებს ძვლოვან სისტემაზე და დაგეხმარებათ შლაკებისგან განთავისუფლებაში.

ხიზიკი

მას ზღვის ”სპაგეტისაც” უწოდებენ. ეს არის მუქი ყავისფერი ფერის წყალმცენარე, რომელიც ჩვენთან მშრალი სახით ხვდება. ხიზიკის უმატებსნ სალათებს, ამზადებენ ხორცთან ან ლობიოსთან ერთად. კალიუმის და მაგნიუმის მაღალი შემცველობის წყალობით, ის აგვარებს გულ-სისხლძარღვთა სიტემასთან დაკავშირებულ პრობლემებს.

წყალმცენარეები კოსმეტოლოგიაში

წყალმცენარეებმა საკმაოდ ფართო გამოხმაურება ჰპოვეს კოსმეტოლოგიაშიც. ფხვნილები, გამწოვები და წყალმცენარეების ექსტრაქტები უკვე შეგხვდებათ ბევრ ტანის მოვლის საშუალებების რიგში.

ბიოაქტიური ნივთიერებების წყალობით, ის აგვარებს უამრავ კოსმეტოლოგიურ პრობლემას. ისინი აძლიერებენ კოლაგენის და ელასტინის ბუნებრივად გამომუშავების უნარს. რაც თავის მხრივ უზრუნველყოფს კანის გაახალგაზრდავებას.

წყალმცენარეების სასარგებლო თვისებებზე საუბარი დაუსრულებლად შეიძლება გაგრძელდეს. ბუნებამ ნამდვილად დააჯილდოვა ისინი გასაოცარი სასარგებლო თვისებებით. ამიტომ აუცილებლად ჩართეთ ის თქვენს რაციონში.

აუცილებლად გაუზიარეთ ეს სტატია თქვენს მეგობრებს, რათა ისინიც გაეცნონ ამ სასარგებლო ინფორმაციას.

ჯანმრთელობას გისურვებთ!