გოგრა უნიკალური პროდუქტია, რადგან მისგან უამრავი გემრიელი კერძი და დესერტი მზადდება. გარდა ამისა, ის ძალიან სასარგებლოა თქვენი ჯანმრთელობისთვის. დღევანდელ სტატიაში ჩვენ გაგიზიარებთ უგემრიელესი გოგრის ბლინების მომზადების რეცეპტს.
გოგრის ბლინები
ამ რეცეპტით მომზადებული ბლინები გამოდის ძალიან არომატული და მადისაღმძვრელი. ის მზადდება სოდისა და გამაფხვიერებელის დამატების გარეშე. არ საჭიროებს რაიმე განსაკუთრებულ ინგრედიენტს. დღევანდელ რეცეპტში მოცემული რაოდენობიდან გამოდის 10 ცალი ან მეტი ბლინი, გააჩნია ტაფის ზომას.
დაგჭირდებათ:
– 125 გრ. გოგრის პიურე
– 250 მლ. თბილი რძე
– 2 ცალი კვერცხი
– 180 მლ. ცხელი წყალი
– 150 გრ. ფქვილი
– 1 ს.კ. შაქარი
– მწიკვი მარილი
– 2 ს.კ. მცენარეული ზეთი
მომზადების წესი:
1. გოგრის პიურე შეგიძლიათ შეიძინოთ მზა სახით ან მოამზადოთ სახლში. გასუფთავებული გოგრის რბილობი ჯერ უნდა გამოაცხოთ და შემდეგ დააბლენდეროთ.
2. აადუღეთ წყალი.
3. გოგრის პიურეს დაუმატეთ კვერცხი, შაქარი, მარილი და კარგად აურიეთ ერთმანეთში.
4. ამის შემდეგ დაუმატეთ ფქვილი და თბილი რძე. კარგად აურიეთ ერთმანეთში ინგრედიენტები.
5. ცომში დაამატეთ ზუსტად 180 მლ. ძალიან ცხელი წყალი. წყლის დამატების შემდეგ საჭიროა კარგად მორევა. ბოლოს დაუმატეთ ზეთი და კიდევ ერთხელ მორიეთ, ოღონდ უკვე 5 წუთის განმავლობაში.
ცომი გამოდის საკმაოდ თხევადი. თუ გოგრის ოდნავ დიდი ნაწილაკები გაგეპარათ, არ ინერვიულოთ.
გააცხელეთ ტაფა და პირველი ბლინის მომზადებამდე წაუსვით ზეთი. ბლინი უნდა შეწვათ ორივე მხრიდან, ოდნავ დაბრაწვამდე.
სურვილის მიხედვით ბლინში შეგიძლიათ დარიჩინის, მუსკატის კაკლის ან გოგრის ბლინისთვის საჭირო სპეციალური სანელებლების დამატება.
ბლინში სხვადასხვა შიგთავსის გახვევა შეგიძლიათ, მაგალითად: შოკოლადი, მურაბა, ჯემი, ვაშლი ან ბანანი.
გაუზიარეთ ეს სტატია თქვენს მეგობრებს, რათა ისინიც გაეცნონ ამ სასარგებლო ინფორმაციას.
გემრიელად მიირთვით!
