დღეს გესაუბრებით მრავალძარღვას სასარგებლო თვისებებზე. ეს უნიკალური მცენარე უამრავი დაავადების დამარცხებაში დაგეხმარებათ. ის ძირითადად გზის პირას იზრდება.
ეს მცენარე ძლიერი ანტისეპტიკური, ანთების საწინააღმდეგო და სისხლის შემაჩერებელი თვისებების მატარებელია. ის ხელს უწყიბს ჭრილობის სწრაფად შეხორცებას.
მრავალძარღვას სასარგებლო თვისებები
მრავალძარღვა როგორც შინაგანი, ასევე გარეგანი გამოყენების სამკურნალო საშუალებაა. მისი ნაყოფი და ფოთლები შეიცავს კუჭ-ნაწლავისთვის სასარგებლო ლორწოს.
მრავალძარღვას ფოთლების შემადგენლობაშია: ვიტამინი C, კაროტინი, კალიუმი, ლიმონმჟავა, ფიტონციდები, გლიკოზიდები, ალკალოიდები, ფერმენტები – ინვერტინი და ემულსინი.
მრავალძარღვას თესლი შემადგენლობაშია: ოლეინის მჟავა, საპონინები, ნახშირწყლები და ვიტამინი U.
მრავალძარღვა მრავალმხრივ გამოსადეგი მცენარეა მკურნალობის მიმართულებით. მას იყენებენ ისეთი დაავადებების დროს, როგორიცაა: სასუნთქი სისიტემის დაავადებები, ათეროსკლეროზი, ჰიპერტონია, ენტერიტი, გასტრიტი და წყლული. ამ მცენარეს აქვს შარდმდენი და ჰიპოტენზიური თვისებები.
მრავალძარღვას სიმსივნური წარმონაქმნების მკურნალობისასაც გამოიყენებენ.
დღეს ჩვენ რამოდენიმე რეცეპტსაც გაგიზიარებთ:
მრავალძარღვა გაციების, ხველების და სიცხის დროს
დაგჭირდებათ:
– 1 კგ. მრავალძარღვას ფოთოლი
– 1 კგ. ნატურალური თაფლი
– წყალი
მომზადების წესი:
მოათავსეთ ჭურჭელში გასუფთავებული და მშრალი დანაკუწებული ფოთლები, დაუმატეთ წყალი (ისე რომ ფოთლები დაფაროს) და წამოადუღეთ ნელ ცეცხლზე. წამოდუღებისთანავე გადმოდგით და შეაგრილეთ. გაგრილებულ ნახარშს დაუმატეთ თაფლი და კარგად აურიეთ. (ნახარში არ გადაწუროთ)
მიღების წესი:
უნდა მიიღოთ საათში ერთხელ 1 ჩ.კ.
მრავალძარღვას ფოთლები გასტრიტის, კოლიკის და კოლიტის დროს.
დაგჭირდებათ:
– მრავალძარღვას ფოთლები
– შაქარი
მომზადების წესი:
ქვაბში ფენა-ფენა ჩააწყვეთ გარეცხილი და მშრალი ფოთლები, თითოეულ ფენას მოაყარეთ შაქარი. როცა ქვაბი ნახევრამდე გაივსება, შეფუთეთ და დადგით ბნელ ადგილზე 3 კვირის მანძილზე.
მიღების წესი:
მიიღეთ დღეში 3-ჯერ, ჭამამდე 15 წუთით ადრე 1 ს.კ.
მრავალძარღვას ფოთლებისგან დამზადებულ ნაყენს აქვს იმუნიტეტის გამაძლიერებელი ეფექტიც.
მრავალძარღვას ფოთლებისგან დამზადებული ფაფა შეგიძლიათ მტკივნეულ ადგილზე დაიდოთ კომპრესების სახით, მაგრამ ამის გაკეთება არაა რეკომენდირებული თრომბოფლედიტის და ვარიკოზის დროს.
ფოთლებისგან ახლად დაწურულ წვენს კი აქვს დამამშვიდებელი და ბაქტერიოსტატული ეფექტი.
მრავალძარღვას ფოთლები კოსმეტოლიგიაშიც გამოიყენება. ნახარშის გაყინულ კუბებით იწმენდენ სახეს. ნაყენი ასევე გამოიყენება თმაზე გადასავლებად.
გაგიკვირდებათ და მრავალძარღვას ნორჩ ფოთლებს კულინარიაშიც იყენებენ. მისგან ამზადებენ სალათს.
მრავალძარღვას აგროვებისას ჯობია ის ეკოლოგიურად სუფთა ადგილიდან მოწყვიტოთ. ასევე აუცილებელია მისი გარეცხვა საგულდაგულოდ და შემდეგ მარლაზე გაშლა, რომ გაშრეს. (მოარიდეთ მზის პირდაპირ სხივებს)
გაუზიარეთ ეს სტატია თქვენს მეგობრებს, რათა ისინიც გაეცნონ ამ სასარგებლო ინფორმაციას.
ჯანმრთელობას გისურვებთ!
