„ბეჰეროვკა“ ორას წლიანი ისტორიის მქონე ჩეხური სამკურნალო ლიქიორია. ამ სასმელს სახელი აფთიაქარის, იოსეფ ბეჰერის საპატივცემულოდ დაერქვა. მან 1807 წელს ამ საშუალების გაყიდვა წვეთობით დაიწყო კუჭის სამკურნალოდ.

იოსეფის ვაჟმა, იოჰან ბეჰერმა 1841 წელს ეს სასმელი ლიქიორად გადააკეთა. თუმცა მისი ეტიკეტი და ბოთლის დიზაინი უცვლელი დარჩა.

ევრიპაში ერთ–ერთი ყველაზე პოპულარული ბალახეულის სასმელია „ბეჰეროვკა“. მისი სამკურნალო თვისებებები კი უკვე არა ერთხელაა დამტკიცებული.

როგორ მოვამზადოთ „ბეჰეროვკა“ სახლის პირობებში?

გახსოვდეთ, რომ ამ სასმელის სამკურნალო თვისებების მისაღებად საჭიროა მისი ზომიერად გამოყენება. მას აქვს საჭმლის მომნელებელი სისტემის გასაუმჯობესებელი, მატონიზირებელი და გაციების საწინააღმდეგო თვისებები. გარდა ამისა ის დადებიტად მოქმედებს იმუნურ და ნერვულ სისტემაზე.

,,ბეჰეროვკას” ალკოჰოლური კოქტეილების დასამზადებლადაც იყენებენ.

ამ სასმელის ორიგინალი რეცეპტი რაღა თქმა უნდა საიდუმლოდ რჩება. თუმცა ყველასთვისაა ცნობილი, რომ 20–მდე სამკურალო ბალახია მის შემადგენლობაში. სასმელის შემადგენლობის გასარკვევად პროფესიონალი დეგუსტატორებიც კი მოიწვიეს და მათ მხოლოდ 7 ინგრედიენტის ამოცნობა შეძლეს.

ესენია:

ქინძი, გვირილა, მიხაკი, აბზინდა, ორთოხლის ცედრა, ლიმონის ცედრა და თაფლი.

დღეს ჩვენ გაგიზიარებთ რეცეპტს, რომელიც საშუალებას მოგცემთ დაამზადოთ ,,ბეჰეროვკა” სახლის პირობებში. ეს რაღა თქმა უნდა არ არის ორიგინალი რეცეპტი, მაგრამ მისი გემო მაქსიმალურადაა მიმსგავსებული.

დაგჭირდებათ:

– 1 ლ. არაყი

– 150 გრ. შაქარი

– 250 მლ. წყალი

– 2 ჩ.კ. ახალი ფორთოხლის ცედრა

– 2 ცალი ილის მარცვალი

– 10 ცალი მიხაკის კვირტი

– 8 ცალი შავი წიწაკის მარცვალი

– 0,5 ჩ.კ. ანისული

– 1 ჩხირი დარიჩინი

მომზადების წესი:

1. დაჭერით ფორთოხლის ცედრა წვრილ ნაჭრებად. გამოიყენეთ მხოლოდ ნარინჯისფერი ნაწილი, არ შეაყოლოთ თეთრი.

2. დანაყეთ დარიჩინი და ილი.

3. შუშის ქილაში მოათავსეთ ყველა სანელებელი ცედრასთან ერთად.

4. დაასხით არაყი და მჭიდროდ დააფარეთ თავსახური.

5. დადგით ქილა ბნელ და გრილ ადგილზე 7 დღის განმავლობაში. დღეში ერთხელ შეანჯღრიეთ.

6. ჩაასხით ქვაბში წყალი, ჩაყარეთ შაქარი და ურიეთ ნელ ცეცხლზე შაქრის სრულ გახსნამდე. არ მიიყვანოთ ადუღებამდე. თუ ქაფი მოიყენა მოაცილეთ და შეაგრილეთ ოთახის ტემპერატურაზე.

7. მიღებული სიროფი დაუმატეთ ნაყენს, დააფარეთ თავსახური და ისევ გააჩერეთ 3–4 დღე.

8. მიღებული სითხე გადაწურეთ რამდენიმე ფენად გაკეცილ მარლისა და ბამბის საწურში.

9. თქვენი ,,ბეჰეროვკაც” მზადაა!

გამოყენების წესი:

როგორც ჯოზეფ ბეჰერი ამბობდა, დღეში ერთხელ უნდა მიიღოთ 20 გრ. ჭამამდე 15 წუთით ადრე. ეს უზრუნველყოფს საჭმლის მომნელებელი სისტემის სწორ მუშაობას. მოგაშორებთ მეტეორიზმს, ბოყინს, გულძმარვას და უმადობას.

გარდა ამისა არსებობს კიდევ რამოდენიმე მეთოდი მისი მიღებისა, რომელიც დროთა განმავლობაში თავად ხალხმა შეიმუშავა.

1. სუფთა სახით

ყველაზე ეფექტურად მაინც მის სუფთა სახით მიღებას თვლიან. გააგრილეთ ლიქიორი  6-7 გრადუსამდე და ჩაასხით მცირე ზომის ჭიქებში.

წასახემსებლად ამ სასმელთან მხოლოდ დარიჩინ მოყრილი ფორთოხლის ქერქის გამოყენება შეგიძლიათ.

2. ჩაისთან და ყავასთან ერთად

2 ს.კ. სასმელი დაუმატეთ 1 ჭიქა ტკბილ ჩაის ან ყავას. (დასატკბობად გამოიყენეთ თაფლი) ამ სასმელის მიღება შეგიძლიათ დესერტთან ერთად.

ლიქიორის გემოს დიდად ვერ იგრძნობთ, მაგრამ აუცილებლად მოგემატებათ ენერგია და მოგიწესრიგდებათ საჭმლის მონელებასთან დაკავშირებული პრობლემები.

3. ლუდთან ერთად

 სლოვაკეთში 1 ჭიქა „ბეჰეროვკას“ ერთი მოსმით სვამენ და მაშინვე აყოლებენ 1 ჭიქა ლუდს.

ასეთი სახის მიღებით დროს გემო მართლაც რომ არაჩვეულებრივი აქვს, მაგრამ ალკოჰოლური თრობის ქვეშ აღმოჩნდებით მალევე.

4. ნარევებსა და კოქტეილებში

ეს უნიკალური ლიქიორი ერწყმის პრაქტიკულად ნებისმიერ ინგრედიენტს. მასზე დაფუძნებული კოქტეილები გემოთი, არომატით და ფერით ყოველთვის იწვევენ აღფრთოვანებას.

მნიშვნელოვანია ასევე ის ფაქტიც, რომ არ უნდა გაურიოთ „ბეჰეროვკა“ არაყს, ღვინოს და კონიაკს.