ნერგების დარგვის შემდეგ არანაკლებ მნიშვნელოვანია მათი გამოკვება, რათა მივიღოთ კარგი მოსავალი. შეგიძლიათ სასუქები შეიძინოთ მაღაზიაში, მაგრამ გახსოვდეთ რომ არანაკლებ ეფექტურია ბუნებრივი სასუქები. დღეს ჩვენ გასწავლით როგორ მოამზადოთ ნერგებისთვის სასუქი სახლის პირობებში.
გაგიკვირდებათ და ახლა ჩვეულებრივ ლუდზე გიამბობთ. გასწავლით როგორ დაამზადოთ მისგან სასუქი, რომელიც მართლაც რომ ძალიან ეფექტურია.
როგორ მოვამზადოთ და გამოვიყენოთ ლუდის სასუქი?
თუ ამჩნევთ, რომ აღმონაცენი სუსტია ან ძალიან ნელა იზრდება, შეგიძლიათ თამამად გამოიყენოთ ლუდი. ისიც გახსოვდეთ რომ ნებისმიერი სასუქი მცენარეს მხოლოდ მაშინ უნდა მიაწოდოთ როცა ამის საჭიროება არის.
ლუდის სასუქი გარდა იმისა, რომ კვებავს მცენარეს და ზრდის მის იმუნიტეტს, ასევე ებრძვის მავნებლებსა და დაავადებებს. სასუქად მხოლოდ ”ცოცხალი” ლუდი გამოგადგებათ, რადგან თუ სასმელს შემადგენლობაში აქვს კონსერვანტები და დანამატები, ის სასუქად არ უნდა გამოიყენოთ.
ლუდის სასუქი შეიცავს ბევრ სასარგებლო მიკროელემენტს და ასევე კალიუმს, რომელიც დიდ გავლენას ახდენს მცენარის ზრდაზე. ლუდის სასმელი ტკბილი ალაოს დუღილის შედეგად მიიღება.
სასუქის გაკეთებისას გამოიყენეთ ხარისხიანი და დაყენებული წყალი. 10 ლ. წყალში უნდა გახსნათ 1 ლ. ლუდი.
სასუქი უნდა მიაწოდოთ მხოლოდ ფესვებს და მოარიდოთ ფოთოლზე მოხვედრას. სასურველია თუ პირველი ფოთლის გამოჩენისთანავე დაიწყებთ ამაზე ზრუნვას.
ეს ნატურალური საშუალება გამოგადგებათ როგორც ბაღის ასევე ოთახის მცენარეებისთვისაც. თუმცა დაიმახსოვრეთ, რომ ლუდის სასუქი გემოს უცვლის ხახვსა და ნიორს, ამიტომ მათთან ამ სასუქის გამოყენებას არ ვუწევთ რეკომენდაციას.
ლუდის სასუქით ნერგების რეგულარული დამუშავება, მათ უფრო მეტად ამტანს ხდის. ეს სასუქი ბუნებრივი ბიოსტიმულატორია.
გაუზიარეთ ეს ინფორმაცია თვენს მეგობრებს და ახლობლებს!
