ზედმეტად ცხიმიანი საკვების მიღება, რომ მავნებელია ეს ყველასთვის ცნობილია, მაგრამ ყოველდღიურ ცხოვრებაში ძალიან რთულია მისი გაკონტროლება, რადგანაც ცხოვრების წესი და რითმი ძალიან აჩქარებულია, ამავდროულად საკმაოდ ბევრი მაცდუნებელი საკვები მზადდება ჩვენს ირგვლივ, რომელიც ჭარბი რაოდენობით შეიცავს ცხოველური წარმომავლობის ცხიმს, რომელიც იწვევს, საბოლოო ჯამში, ქოლესტერინის მატებას. მომატებული ქოლესტერინი კი დროთა განმავლობაში გროვდება სისხლძარღვების კედლებზე და პერიოდულად ხელს უშლის სისხლის მოძრაობას მასში, რომელიც ასე საშიშია ადამიანის ჯანმრთელობისთვის.
ამ სტატიაში გასწავლით ბუნებრივი ინგრედიენტებით მომზადებულ სასმელს, რომელიც დაგეხმარებათ სისხლძარღვების გაწმენდაში და სხვადასხვა პრობლემების თავიდან არიდებაში.
ინგრედიენტები და მომზადების წესი
- 100 გრამი ქიშმიში
- 2 ს/კ თაფლი
- 4 ჩ/კ მწვანე ჩაი
- 2 ჩ/კ ჯანჯაფილის გახეხილი ფესვი
- 1 ლიტრი წყალი
აადუღეთ წყალი ჩაყარეთ მასში ქიშმიში და შემოდგით დაბალ ცეცხლზე და ადუღეთ დაახლოებით 11 წუთის განმავლობაში. დუღილის შემდეგ გადმოდგით და დაუმატეთ მითითებული რაოდენობის მწვანე ჩაი და ჯანჯაფილი. აურიეთ ერთმანეთში მიღებული მასა და დახურეთ თავსახური მჭიდროდ. აუცილებელია მთელი ღამის განმავლობაში დააყოვნოთ თავდახურულ ჭურჭელში. დილით მიღებული ნაყენი კარგად გაწურეთ და დაუმატეთ მითითებული რაოდენობის თაფლი, კარგად აურიეთ და ნაყენი მზადაა გამოსაყენებლად. დღეში ერთხელ, დილით უზმოზე, ჭამამდე 30 წუთით ადრე მიიღეთ 200 მლ.
შენიშვნა – ნაყენის მიღების პერიოდში მნიშვნელოვანია თავი აარიდოთ ცხიმიანი საკვების მირთმევას, რადგანაც შედეგი მიიღოთ მაქსიმალურად კარგი.
გისურვებთ ჯანმრთელობას!
