როგორ ამოვიყვანოთ ცხიმის ლაქა ტანსაცმლიდან
ჭურჭლის სარეცხი სითხე
რა შეიძლება გაუმკლავდეს ცხიმიან ლაქებს ცხიმის მოსაშორებელ საშუალებაზე უკეთესად? დაასხით მცირე რაოდენობა ლაქას, კარგად შეაზილეთ და დატოვეთ 15 წუთით. ამის შემდეგ გარეცხეთ სარეცხ მანქანაში ან ხელით.
მარილი და სოდა
თუ ცხიმის ლაქა ახალია, აუცილებლად გამოიყენეთ სოდის და მარილის ნაზავი. დააყარეთ ინგრედიენტები ცხიმიან ადგილს და დაელოდეთ 10 წუთი, ამის შემდეგ გაწმინდეთ მშრალი ტილოთი. გაიმეორეთ პროცედურა ლაქის სრულ გაქრობამდე.
ცარცი
დაფხვენით ცარცი ფხვნილის სახით, დააყარეთ ცხიმიან ადგილს და დატოვეთ ერთი საათით. ამ ხნის მანძილზე ცარცი შეიწოვს ცხიმს. თუ ქსოვილი უხეშია, მაშინ ბევრად ეფექტური იქნება ცარცით დალაქავებული ადგილის გახეხვა. ამ პროცედურის შემდეგ ნივთის გარეცხვა აუცილებელი არ არის.
საყოფაცხოვრებო საპონი
ჩვენმა ბებიებმაც კი იცოდნენ, რომ სარეცხის საპონზე უკეთესად ცხიმიან ლაქებს არაფერი არ უმკლავდება. წაუსვით ცხიმიან ადგილს საპონი და დატოვეთ 2 საათით. ამის შემდეგ გარეცხეთ ტანსაცმელი ცხელ წყალში, თუ ქსოვილის ფაქტურა გაძლევთ ამის საშუალებას.
რძე და სახამებელი
50 მლ. რძეში გახსენით 3 ს.კ. სახამებელი. კარგად გახსენით, რომ არ დარჩეს გაუხსნელი სახამებელი. მიღებული სითხე წაუსვით ცხიმიან ლაქას და დატოვეთ მთელი ღამით. სითხე უნდა გაშრეს. ამის შემდეგ ჩვეულებრივ გარეცხეთ ნივთი.
ცხიმიანი ლაქების ამოყვანისას უნდა გახსოვდეთ ერთი რამ: საჭიროა იმოქმედოდ მაშინვე. ასე ბევრად მარტივად განთავისუფლდებით ცხიმის ლაქისგან.
აუცილებლად გაუზიარეთ ეს სტატია თქვენს მეგობრებს, რათა ისინიც გაეცნონ ამ სასარგებლო ინფორმაციას.
