ამ მწერის ნაკბენი უმტკივნეულოა, ამიტომ შესაძლოა ის ვერ აღმოაჩინოთ მაშინვე. არადა სწორედ ტკიპის ნაკბენით შეიძლება დაავადდეთ ვირუსული ენცეფალიტით ან ლაიმის დაავადებით. ამიტომ ჩვენ დღეს გიამბობთ, თუ რა უნდა გააკეთოთ ტკიპის ნაკბენის შემთხვევაში.

როგორ მოვიცილოთ ტკიპა

თუ ტკიპა მშიერია, ის ძალიან პატარაა და შეუმჩნეველიც კი. აი მაძღარი მწერი კი მაშინვე მოგხვდებათ თვალში. ის ღია ფერის გაბერილ ბურთს მოგვაგონებს. მიუხედავად მისი უმტკივნეულო ნაკბენისა, კანზე უცხო სხეულის შეგრძნება მაინც გექნებათ.

მოცილების დროს მთავარია, რომ ტკიპა კანიდან ბოლომდე ამოიღოთ. ამისთვის შეგიძლიათ გამოიყენოთ ძაფი, პინცეტი ან სპეციალური მოწყობილობა. ამოღების პროცესში ნელა დაატრიალეთ ტკიპას ტანი და არავითარ შემთხვევაში არ ამოაძროთ სწრაფად.

რა უნდა გავაკეთო ტკიპის ნაკბენის შემთხვევაში?

ტკიპის მოცილების შემდეგ უნდა გავიდეს გარკვეული დრო, სანამ გამოვლინდება რეაქცია. ჩვენ გირჩევთ, რომ მაშინვე მიმართოთ სპეციალისტს ინსტრუქციის მისაღებად. თუმცა მასთან მკბენარის წაყვანა საჭირო არ არის და აი რატომ.

როგორც ევროპულ კვლევებში არის მითითებული, ტკიპების მხოლოდ 20-30%-ია ლაიმის დაავადების გადამტანი. თუმცა ასეთი სტატისტიკის მიუხედავად მწერები კბენის დროს ყოველთვის არ ხდებიან ვირუსის გადამტანნი. ამისთვის ხომ დაახლოებით 36 საათია საჭირო.

დამეთანხმებით, რომ ამ დროის მანძილზე იპოვით და მოიშორებთ კიდეც მწერს. ამიტომ მიიჩნევენ სპეციალისტები, რომ ტკიპის ლაბორატორიაში ჩაბარებას აზრი არ აქვს. ჯობია მაშინვე დაიწყოთ ნაკბენის მკურნალობა.

ლაიმის დაავადების პრიფილაქტიკისთვის სპეციალისტები ანტიბიოტიკის კურსის ჩატარებას გვირჩევენ. გააკეთეთ ეს ნაკბენიდან 72 საათის მანძილზე. კონკრეტულად მედიკამენტის და საჭირო დოზის შესახებ კი უნდა მიმართოთ სპეციალისტს.

რა უნდა გავაკეთოთ, რომ ტკიპამ არ გვიკბინოს

გაზაფხული-ზაფხულის პერიოდში მწვანე ზონაში სეირნობისას ჩაიცვით შედარებით დახურული ტანსაცმელი. განსაკუთრებული ყურადღება მიაქციეთ შარვალს. როგორც ცნობილია, ტკიპა მსხვერპლს ბალახზე ელოდება და არ ცვივა ხეებიდან. ქსოვილზე ჩაჭიდების შემდეგ ის ცდილობს გადავიდეს კანზე.

გასეირნების შემდეგ კარგად დააკვირდით ტანსაცმელს და სხეულს. არ დაგავიწყდეთ ოთხფეხა მეგობრების შემოწმებათ, რადგან ისინიც იტანჯებიან მათი ნაკბენებით.

ეს სასარგებლო ინფორმაცია გაგვიზიარა ექიმმა-პედიატრმა სერგეი ნიანკოვსკიმ. სპეციალისტი ამტკიცებს, რომ ტკიპის ნაკბენის შემთხვევაში მთავარია არ აჰყვეთ პანიკას. მიყევით ზემოთ მოცემულ ინსტრუქციებს და მარტივად შეინარჩუნეთ ჯანმრთელობა.