დღეს ჩვენ გასწავლით ანტიასაკობრივი სახის გამწმენდი ლოსიონის დამზადებას. სწორედ ეს ლოსიონია იაპონური სილამაზის საიდუმლო. მისი დამზადება საკმაოდ მარტივია და ინგრედიენტებიც ყველასთვის ხელმისაწვდომი.

სახის გამწმენდი ლოსიონი

დაგჭირდებათ:

– 2 ს.კ. უმაღლესი ხარისხის ბრინჯი

– 1 ჩ.კ. ნატურალური თაფლი

– 5-6 წვეთი E ვიტამინი

– 1 ჭიქა წყალი

მომზადების წესი:

– პირველ რიგში კარგად გარეცხეთ ბრინჯი გამდინარე წყლის ქვეშ. ამის შემდეგ დაასხით მას 1 ჭიქა წყალი და დადგით 10 წუთით.
– ბრინჯის წყალი გადაიტანეთ ბოთლში, დაუმატეთ თაფლი და კარგად მოურიეთ.
– მიღებულ ნაზავს დაუმატეთ E ვიტამინი და კიდევ მოურიეთ.

თქვენი ლოსიონიც მზადაა! გაითვალისწინეთ, რომ უნდა შეინახოთ მაცივარში და ვარგისია მხოლოდ 7 დღის განმავლობაში.

გამოყენების წესი:

გაიწმინდეთ სახე დღეში 2-ჯერ ბამბის დისკის დახმარებით. ლოსიონი უნდა გაიჩეროთ 3 წუთის და მხოლოდ ამის შემდეგ ჩამოიბანეთ სახე თბილი წყლით. გამოიყენება ნებისმიერი ტიპის კანზე. პროცედურის ჩატარება ყოველდღე შეგიძლიათ. შედეგით თავადაც გაოცდებით.