ეგვიპტელმა კარდიოლოგმა ჰოსამ ფაუზმა დაადგინა, რომ ზამთარში ცივი წყლის მიღება აუცილებელია გულის ჯანმრთელობის შესანარჩუნებლად. ეს მეთოდი ასევე ეფექტურია ჭარბი წონის მოსაშორებლად.
ფაუზის თქმით, ზამთრის სიცივე განსაკუთრებით ცუდად მოქმედებს სისხლძარღვებზე. სწორედ ამიტომ ეს პერიოდი განსაკუთრებით მძიმედ გადასატანია გულის იშემიური დაავადებით, ათეროსკლეროზით და სტენოკარდიით დაავადებული ადამიანებისთვის. ეგვიპტელი კარდიოლოგი გულის დაავადებების მქონე ადამიანებს ურჩევს, რომ პროფილაქტიკის მიზნით აუცილებლად მიიღონ ზამთარში ცივი წყალი.
The Times Hub -ში გამოქვეყნდა კარდიოლოგის მოსაზრება, სადაც განმარტავდა თუ რატომ იყო ცივი წყალი განსაკუთრებით სასარგებლო ზამთარში. ჰოსამი წერდა, რომ ცივი წყალი ხელს უწყობს სიგნალის გაგზავნას სისხლძარღვებში, გულის არტერიებში, კუჭში, თირკმლებსა და ღვიძლში. ეს კი უზრუნველყოფს ორგანიზმიდან მავნე ნივთიერებების გამოდევნას და სისხლის რაოდენობის ზრდას აღნიშნულ მიდამოებში. ზოგადად ცნობილია, რომ წყალი სასარგებლოა გულისთვის.
ცივი წყალი ლიმონთან ერთად კიდევ უფრო სასარგებლოა, რადგან ამ დროს ორგანიზმი მდიდრდება C ვიტამინით და ეს პირველ რიგში იმუნიტეტის გასაძლიერებლადაა მნიშვნელოვანი.
როგორც იცით გულის დაავადებების დროს არანაკლებ მნიშვნელოვანია წონის გაკონტროლება. სასიხარულო ის არის, რომ ცივი წყლის რეგულარულად მიღებისას კვირაში შეძლებთ დამატებით 490 კალორიის დაწვას. აღნიშნული კვლევის შედეგები გამოქვეყნებული იყო კლინიკური ენდოკრინოლოგიისა და ნივთიერებათა ცვლის ჟურნალში.
გაუზიარეთ ეს სტატია თქვენს მეგობრებს, რათა უფრო ბევრი გაეცნოს ამ სასარგებლო ინფორმაციას.
ჯანმრთელობას გისურვებთ!
