სამყურა (Trifolium) სარეველა მცენარეა პარკოსანთა ოჯახიდან. ის გამოიყენება როგორც ხალხურ, ასევე ოფიციალურ მედიცინაში.
სამკურნალოდ გამოიყენება როგორც ნაყენი, ყვავილის წვენი და გამომშრალი ბალახი. ის ეფექტურია დეპრესიის, ნევროზის, მხედველობის დაქვეითების, ყურებში ხმაურისა და უძილობის დროს.
სამყურას წვენი
სამყურას წვენის მოსამზადებლად იყენებენ ნედლს ყვავილებს. ამისთვის გამოიყენება ნებისმიერი სახის სამყურა. ყვავილებს ჭრიან, აქუცმაცებენ, ჭყლეტენ და შემდეგ წურავენ.
სამყურას აყვავების პერიოდში შეგიძლიათ მიიღოთ ის ახლად დაწურული, მაგრამ თუ შენახვა გინდათ, გაურიეთ არაყს პროპორციით 1:3–თან და გადაიტანეთ შუშის ბოთლში.
ახლად დაწურული წვენის მომზადება:
დააქუცმაცეთ ან დააბლენდერეთ სამყურას ყვავილები. მირებული მასის 5 ს.კ.–ს დაასხით 1 ჭიქა წყალი და 10 წუთში გადაწურეთ მარლით. წვენიც მზადაა და შეგიძლიათ გამოიყენოთ.
მკურნალობის კურსი არ უნდა აღემატებოდეს 2 თვეს. 60 დღის მანძილზე, დღეში 1–2 ს.კ. გაზავებული წვენის მიღება სავსებით საკმარისია ათეროსკლეროზის პროფილაქტიკისთვის.
სამყურას წვენი კარგია გაციების, მაღალი ტემპერატურის და ხველების დროს. ის ეფექტურად მუშაობს ბრონქიტის, პნევმონიის და ტრაქეიტის გართულებული შემთხვევის დროსაც. უნდა მიიღოთ დღეში 7–ჯერ 1 ს.კ.
სამყურას წვენი ასევე დადებითად მოქმედებს საშვილოსნოს სისხლდენის, ანემიის, კლიმაქსის და მენსტრუალური ტკივილის დროს. უნდა მიიღოთ 1 თვის მანძილზე, 5 ს.კ. დღეში. თუმცა აუცილებელია ამ შემთხვევაში მკურნალ ექიმტან კონსულტაციის გავლა.
სამყურას წვენი ააქტიურებს ორგანიზმის დამცავს მექანიზმს, აძლიერებს იმუნიტეტს და ხელს უშლის მის ინტოქსიკაციას. ისევ და ისევ შეგახსენებთ, რომ ხალხური მეთოდით მკურნალობისას ეფექტურობის მაქსიმალურად მისაღწევად საჭიროა მკურნალ ექიმთან კონსულტაციის გავლა და კომპლექსური მკურნალობის ჩატარება.
სამყურა ისეთი სპეციფიკური დაავადებების დროსაა ეფექტური, როგორიცაა: კვინიკეს შეშუპება, ციებ–ცხელება, ალერგიული დერმატოზი, გაზით, სოკოთი ან მძიმე მეტალის მარილებით მოწამვლა.
გაითვალისწინეთ! სამყურა ზრდის მჟავიანობის დონეს, ამიტომ მოერიდეთ მას გასტრიტის და წყლული დროს. არ სეიძლება მისი მიღება გულის დაავადებების დროს. აკრძალულია ფეხმძიმე და მეძუძური დედებისთვის.
ჯანმრთელობას გისურვებთ!
