ძველი და ცოტა მივიწყებული საშუალება, რომელიც ახლიდან იძენს პოპულარობას არის თევზის ცხიმი. ეს გასაკვირი არც არის, რადგან ის გამოირჩევა სამკურნალო და სასარგებლო თვისებებით. ამასთან ერთად უფრო და უფრო პოპულარული ხდება ჯანსაღი ცხოვრების წესით ცხოვრება. ეს კი არა მხოლოდ სპორტით დაკავებას, არამედ სწორ კვებასაც მოითხოვს.

თევზის ცხიმი არის როგორც თხევადი, ასევე კაფსულების სახით. მიღების მხრივ კაფსულები ბევრად კომფორტულია, რადგან საკმაოდ მძაფრი და ზოგისთვის უსიამოვნო სუნი აქვს მას თხევად მდგომარეობაში. დღეს ჩვენ გაგაცნობთ თევზის ცხიმის სასარგებლო თისებებს.

გარდა ამისა თევზის ცხიმი კაფსულების სახით ბევრად უფრო გრძელვადიანია, რადგან მის შემადგენლობაში მყოფი ომეგა 3–ის მჟავები ჰაერთან ურთიერთქმედებისას მალე მჟავდება და გამოყენებისთვის უვარგისი ხდება. კაფსულების შემთხვევაში კი იგი დაცულია.

თევზის ცხიმის სასარგებლო თვისებები

თევზის ცხიმის შემადგენლობაში არის მჟავები – ომეგა 3, ომეგა 6, პალმინტური მჟავა, ოლეინის მჟავა, ვიტამინები A და D.

A ვიტამინი ხელს უწყობს კანის უჯრედებისა და მხედველობის პიგმენტების რეპროდუქციასა. სწორედ ამიტომ თევზის ცხიმი ძალიან სასარგებლოა თმისთვის, ფრჩხილებისთვის და კანისთვის.

D ვიტამინი ხელს უწყობს უჯრედებში ფოსფორისა და კალიუმის შეღწევას, ამცირებს ნერვულ აღზნებადობას. ექიმები ამიტომ უწევენ რეკომენდაციას მას ბავშვებისთვის.

ტევზის ცხიმის ყველაზე ძვირფასი კომპონენტი არის ომეგა 3. ის ამცირებს მავნე ქოლესტერინის დონეს, აუმჯობესებს სისხლის მიმოქცევას, ამცირებს დიაბეტის გაჩენის რისკს, ხელს უშლის გულ–სისხლძარღვთა დაავადებები წარმოქმნას და დადებითან მოქმედებს გულის მუშაობაზე.

თევზის ცხიმი დადებითად მოქმედებს ტვინის მუშაობაზე. მას წონის კორექციის დროსაც აქტიურად იყენებენ.

ბოდიბილდერები მას ხშირად მოიხმარენ, რადგან ის არ აზიანებს ჯანმრთელობას, სწორი ცხიმებია და ამარაგებს მათ ორგანიზმს საჭირო მიკროელემენტებითა და ვიტამინებით.

თევზის ცხიმი მენსტრუალური ტკივილის დროს გინეკოლოგების მიერ ინიშნება.

აქვე გაგაცნობთ სასწაულმოქმედი სახის ნიღბის მომზადების წესს, რომელიც გამოიყენება პიგმენტური ლაქებისა და ნაოჭების საწინააღმდეგოდ.

მომზადებისა და გამოყენების წესი:

კარგად აურიეთ ერთმანეთში 1 ჩ.კ. თევზის ცხიმი და 1 ჩ.კ. თაფლი. მიღებული ნაზავი წაისვით სუფთა და მშრალ კანზე, 30 წუთის შემდეგ კი  ჩამოიბანეთ გვირილის თბილი ნაყენით. ამ ნიღბის გაკეთება რეკომენდირებულია კვირაში 1–2 ჯერ.

გაითვალისწინეთ! თევზის ცხიმის სასარგებლო თვისებები უნიკალურია და შეუდარებელი, მაგრამ თუ ხართ ალერგიული, აუცილებლად გაიარეთ კონსულტაცია ოჯახის ექიმთან.

ჯანმრთელობას გისურვებთ!