შავი მოცხარის ნაყოფი საკმაოდ ცნობილი და ერთ–ერთი მნიშვნელოვანი კომპონენტია ხალხურ მედიცინაში. ის გემრიელთან ერთად საკმაოდ სასარგებლოა თავისი სამკურნალო თვისებებიდან გამომდინარე.
შავი მოცხარი მდიდარია შაქრით, ტანინებით, პექტინით და ვიტამინებით – P, C, E, K, B1, B2, B6, ბეტა კაროტინი
სხვა კენკრებთან შედარებით, შავ მოცხარში იოდის რაოდენობა 4–ჯერ მეტია. ხოლო ვაშლთან შედარებით ის 20–ჯერ მეტ სასარგებლო ელემენტებსა და ვიტამინებს შეიცავს.
შავი მოცხარის სასარგებლო თვისებები
1. აწესრიგებს საჭმლის მომნელებელ სისტემას და ამცირებს სისხლში ქოლესტერინის დონეს.
2. გამოდევნის ორგანიზმიდან პათოგენურ მიკრო ორგანიზმებს, რადიოაქტიურ ნივთიერებებს და მძიმე მეტალებს.
3. აწესრიგებს და აუმჯობესებს ღვიძლის ფუნქციონირებას.
4. ზრდის იმუნიტეტს.
5. აუმჯობესებს სისხლძარღვების ელასტიურობას, მდგრადობას და აძლიერებს მის კედლებს.
6. ეფექტურია ათეროსკლეროზის და ჰიპერტენზიის დროს. ხელს უწყობს წნევის დარეგულოირებას.
დღეს ჩვენ გაგიზიარებთ შავი მოცხარის სიროფის მომზადების წესს. ეს არის ერთ–ერთი ყველაზე ეფექტური ხალხური სამკურნალო საშუალება.
დაგჭირდებათ:
– 1.250 კგ. შავი მოცხარი
– 65 გრ. ლიმონის მჟავა
– 2 ლ. ოთახის ტემპერატური წყალი წყალი
– 2 კგ. შაქარი
მომზადების წესი:
მოათავსეთ ჭურჭელში წყალი, ჩაყარეთ შიგნით გარეცხილი შავი მოცხარი და ლიმონმჟავა. მიღებული სითხე თავდახურულ ჭურჭელში დააყოვნეთ 1 დღე–ღამის მანძილზე, ბნელ და გრილ ადგილზე. მეორე დღეს გადაწურეთ წვენი და დაუმატეთ შაქარი.
მიღებული სითხე გადაიტანეთ შუშის ბოთლში და შეინახეთ მაცივარში.
გამოყენების წესი:
მიღებული სიროფი საკმაოდ კონცენტრირებულია, ამიტომ მიიღეთ დღეში მხოლოდ 1–2 ს.კ. ჭამის დროს.
მნიშვნელოვანია! არაა რეკომენდირებული ამ სიროფის მიღება ვარიკოზული ვენების, თრომბოფლებიტის, გულის იშემიური დაავადებების, გასტრიტისა და წყლულის დროს. ნებისმიერი ხალხური რეცეპტის გამოყენებისას გირჩევთ გაიაროთ კონსულტაცია ოჯახის ექიმთან.
ჯანმრთელობას გისურვებთ!
