ბროკოლი თავისი თვისებებიდან გამომდინარე შედის უამრავი დიეტის მენიუში და ყველასთვის ცნობილია მისი სასარგებლო თვისებების შესახებ.
ცოტამ თუ იცის, რომ ერთი შეხედვით უსარგებლო და გადასაყრელი ბროკოლის ნაწილები სინამდვილეში ძალიან სასარგებლოა. დღეს ცვენ სწორედ ამ ინფორმაციას მოგაწვდით.
ბროკოლის თვისებები
ბროკოლში არსებული აქტიური ნივთიერებების დიდი რაოდენობიდან გამომდინარე, მას აქვს სამკურნალო თვისებები. ის არადგენს და აუმჯობესებს ჩვენი სხეულის მდგომარეობას.
აი მაგალითად: რკინა ხელს უწყობს სისხლის უჯრედების სწრაფ ფორმირებას. იოდი აწესრიგებს ენდოკრინულ სისტემას და ფარისებრ ჯირკვალს. კალიუმი აწესრიგებს სხეულის წყლის ბალანსს.
ეს ყველა თვისება აქვს ბროკოლის ზედა ნაწილს, ეგრედ წოდებულ ყვავილს. თუმცა ნაწილებს, როგორიცაა ფოთლები და ღერო, ჩვენ ვყრით რაც ძალიან დიდი შეცდომაა.
ბროკოლის ღეროსა და ფოთლებში არის ბევრად მეტი ნუტრიენტები. წარმოიდგინეთ C ვიტამინის ყოველდღიური დოზის ნახევარს შეიცავს 30 გრ. ბროკოლის ფოთლები.
ღეროში კი არის სულფორაფანი. ეს ნივთიერება ხელს უშლის უჯრედების განადგურებას, ხელს უწყობს სიმსივნის ფორმირების თავიდან აცილებას და აქვს ანთების საწინააღმდეგო ეფექტი.
როგორ გამოვიყენოთ ღერო?
ღერო ყვავილთან შედარებით ბევრად უხეში სტრუქტურისაა. ამიტომ საჭიროა მისთვის ქერქის მოშორება და ისე გამოყენება. მისი გამოყენება შეგიძლიათ ჩვეულებრივ სალათებში და კერძებში.
ასევე იდეალურია დიეტის დროს, რადგან შეიცავს ბევრ ცილას და კალორია აქვს ძალიან ცოტა. მისგან უგემრიელესი სალათი მზადდება:
დაგჭირდებათ:
– 1ც. ვაშლი
– 1ც. ნიახური
– 1ც. ბროკოლი
– 2 კბილი ნიორი
– 2ც. პატარა კიტრის მწნილი
– ცოტაოდენი მაიონეზი, არაჟანი ან მდოგვი.
დაჭერით ყველა ინგრედიენტი თქვენთვის სასურველ ფორმებად და მოათავსეთ თასში. მოასხით მდოგვი, არაჟანი ან მაიონეზი თქვენი გემოვნებით და აურიეთ კარგად. ასევე დაამატეთ ცოტაოდენი მარილი და სანელებლები.
როგორ გამოვიყენოთ ფოთლები?
ყველაზე სასარგებლოა მუქი მწვანე ფერის ფოთლები, რადგან ფერმენტები რომელსაც ის შეიცავს, ხელს უწყობს მეტაბოლიზმის მოწერიგებას.
ფოთლები იდეალურია მწვანე სალათის მოყვარულთათვის. მკვეთრი გემოს მოსაშორებლად დაასხით მათ მდუღარე წყალი და გააჩერეთ 5–7 წუთი, შემდეგ გადაწურეთ. მისი გამოყენება ცხელ კერძებშიც შეგიძლიათ.
ყველაზე მარტივი და გემრიელი რეცეპტია: მოხრაკეთ ფოთლები კარაქში, დაუმატეთ გახეხილი სტაფილო და დაჭრილი ხახვი. ცოტაოდენი მარილი გემოვნებით.
ჯანმრთელობას გისურვებთ !
