ფრაზა – მალთაშუა დისკოს თიაქარი დღეს დღეისობით საკმაოდ გახშირდა. იმის გასაგებად თუ კონკრეტულად რას მიემართება ეს ტერმინი, ადამიანის ანატომიას უნდა გაეცნოთ. მალთაშუა დისკოები მალებს შორის არსებული ერთგვარი შუასადებებია, რომელთა საშუალებითაც რეგულირდება გადაადგილება, მოქნილობა, და ზოგადად ხერხემლის სიძლიერეც ამ დისკოებზეა დამოკიდებული.
მყარი ჯავშანი (ბოჭკოვანი სალტე) და ნახევრად თხევადი პულპოვანი ბირთვი – აი ასეთია თითოეული დისკოს შემადგენლობა. ზოგჯერ ერთი არასწორი მოძრაობაც საკმარისია მყარი ჯავშნის დასაზიანებლად.
ჯავშანში გაჩენილი ნაპრალის ან ბზარის მეშვეობით ნახევრად თხევადი ბირთვი გარეთ გადმოიღვრება, აწვება ხერხემლის ნერვულ დაბოლოებებს და იწვევს გაუსაძლის ტკივილებს. დისკოც თავის მხრივ, რომელიც მალების მუდმივი ზეწოლის ქვეშ ექცევა, გარეთ იწევს. ამგვარად ყალიბდება მალთაშუა დისკოს თიაქარი.
შამილ ალიუდინოვი ერთ-ერთი იმათთაგანია, ვინც ხერხემლის სერიოზულ პრობლემებს ადრეულ ასაკში გადააწყდა. 30 წლის იყო, როდესაც მისი ჯანმრთელობა სერიოზულად შეირყა, თუმცა იგი არ დანებდა და გადაწყვიტა, საკუთარი ჯანმრთელობა დეტალურად შეესწავლა. მოკლედ, გარკვეული ვარჯიშების წყალობით ეს პიროვნება ფეხზე დადგა (ექიმები კი მას შანსს აღარ აძლევდნენ და ინვალიდის ეტლისთვის ამზადებდნენ).
ზურგისა და ხერხემლის ვარჯიშები
მალთაშუა დისკოს თიაქარს არა მხოლოდ დიდი ტკივილები, არამედ სხვა სიმპტომებიც ახასიათებს: თავის ტკივილი, კუჭის პრობლემები, თირკმელებისა და ღვიძლის დისფუნქცია.
ორი გზა არსებობს მალთაშუა დისკოს თიაქარის თავიდან ასაცილებლად: ქირურგიული ჩარევა, ან სპეციალური ვარჯიშები. შეისწავლა რა ხერხემლის აგებულება და მალთაშუა დისკოს შესახებ არსებული ყველა ინფორმაცია, შამილმა გადაწყვიტა, მეორე მეთოდი, სპეციალური ვარჯიშების ჩატარება დაეწყო.
მოცემული ვიდეოში ცნობილი რელიგიური პირი დეტალურად საუბრობს მალთაშუა დისკოს თიაქარის განკურნებაზე და გაჩვენებთ, როგორ ჩაიტაროთ სპეციალური ვარჯიშები სახლის პირობებში.
საგულისხმოა ის ფაქტიც, რომ მკურნალობის ეს მეთოდი მკაცრად ინდივიდუალურია და შესაბამისად, ფიზიკური აქტივობის დაწყებამდე, ადამიანებს, რომელთაც ხერხემლის პრობლემები აქვთ, მოუწევთ მკურნალ ექიმთან კონსულტაციის გავლა.
დაიმახსოვრეთ! მოქნილი ხერხემალი ჯანმრთელი ხერხემალია! შამილ ალიუდინოვის ვარჯიშები კი საუკეთესო გზაა ოსტეოქონდროზის, მალთაშუა დისკოს თიაქარის და სხვადასხვა ძვალ-სახსროვანი პრობლემების პრევენციისა და პროფილაქტიკისთვის. ეს ვარჯიშები აძლიერებს კუნთებს და ჭიმავს მალთაშუა სახსრებს.
თუ მოგეწონათ ეს სტატია, დაეხმარეთ საიტს არსებობის გაგრძელებაში და დააჭირეთ გაზიარების ღილაკს. ამგვარად თქვენ მომავალშიც შეგეძლებათ საინტერესო სტატიების წაკითხვა ჩვენს გვერდზე!
