სამწუხაროდ ყოველდღიურ არეულობაში გვავიწყდება ჩვენი რაციონისთვის სათანადო ყურადღების მიქცევა. მივირთვით კი საჭირო რაოდენობის ბოსტნეული? ჰყოფნის კი ჩვენს ორგანიზმს ძალა და ენერგია, რათა დარჩეს ჯანმრთელი? დღეს გაგაცნობთ მარტივ მეთოდს იმისთვუს, რომ მუდამ ტონუსში და კარგ განწყობაზე იყოთ.

სტაფილოს ჩაის სასარგებლო თვისებები

იმუნიტეტის გაძლიერება

ეს თემა ამ ბოლო პერიოდში განსაკუთრებით აქტუალური გახდა. სტაფილოს ნახარშის რეგულარული მიღება ზრდის ორგანიზმის ვირუსებისადმი გამკლავების და შეწინააღმდეგების უნარს.

ენერგიის მოჭარბება

სტაფილოს ჩაის მომხმარებლები აღნიშნავენ, რომ მათი ჯანმრთელობის მდგომარეობა უმჯობესდება. ენერგულობა და მხიარული განწყობა ხომ წარმატებული დღის საწინდარია.

თმები და კანი

ვიტამინების წყალობით უმჯობესდება არა მხოლოდ თქვენი ჯანმრთელობის მდგომარეობა, არამედ გარეგნული მხარეც. კანი იწმინდება და ხდება უფრო რბილი. სტაფილოს ნახარში აძლიერებს თმის ძირებს და ხდის მათ უფრო მზინავს.

საჭმლის მომნელებელი სისტემა

სტაფილოს ნახარშის რეგულაური მოხმარება ზრდის მადას, ამცირებს მეტეორიზმს და დადებითად მოქმედებს მთელს საჭმლის მომნელებელ სისტემაზე.

მხედველობა

უკვე დიდი ხნის ცნობილი ფაქტია, რომ სტაფილო სასარგებლოა მხედველობისთვის. მართალია მას არაფრის გამოსწორება არ შეუძლია, მაგრამ ის ხელს უწყობს მხედველობის შენარჩუნებას. სტაფილოს ნახარში განსაკუთრებით სასარგებლოა მათთვის, ვისას დიდხანს უწევს კომპიუტერთან ყოფნა.

სტაფილოს ჩაის მომზადების რეცეპტი:

დღეს უკვე მაღაზიებშიც შეგიძლიათ გამომშრალი სტაფილოს შეძენა, მაგრამ რატომ უნდა გადაიხადოთ ზედმეტი როცა მისი გამზადება დამოუკიდებლადაც შეგიძლიათ? ამ შემთხვევაში ზუსტად მაინც იქნებით დარწმუნებული, რომ არანაირი ქიმიური დანამატი მას არ აქვს.

გახეხეთ სტაფილო მსხვილ სახეხზე ან დაანაკუწეთ. გააშრეთ ბოსტნეული მზეზე (დადეთ ბადეზე). არის კიდევ ერთი მეთოდი – სპილენძის მავთულით. უბრალოდ უნდა გაჭრათ სტაფილო და მიამაგროთ ის.

მათთვის, ვისაც არ აქვს სტაფილოს მზეზე გაშრობის საშუალება, გთავაზობთ კიდევ ერთ მეთოდს – გამოშრობა ღუმელით. აქ მთავარია, რომ არ გადაწვათ ბოსტნეული. თუ სტაფილო გახდება მოყავისფრო ფერის, ეს იმოქმედებს მის გემოზე.

სტაფილოს ჩაის მომზადება:

სტაფილოს ჩაის მომზადებას არანაირი საიდუმლო არ აქვს. 0,5 ლიტრ ადუღებულ წყალზე უნდა გამოიყენოთ 3 ს.კ. გამომშრალი სტაფილო. დაასხით წყალი სტაფილოს, დააფარეთ თავი და დატოვეთ მინიმუმ 30 წუთით. ამის შემდეგ გადაწურეთ სითხე და დატკბით. სურვილისამებრ შეგიძლიათ დაამატოთ შაქარი, ლიმონი, რძე ან თაფლი.

სტაფილოს ჩაის მომზადება უმი ბოსტნეულითაც შეიძლება თუ არ დაგეზარებათ ყოველ ჯერზე მისი გასუფთავება და გახეხვა.

რატომ უნდა მივირთვათ სტაფილოს ჩაი? რათა თქმა უნდა იმისთვის, რომ ჩვენმა ორგანიზმმა თავი გაართვას ცხოვრების რიტმს, ნეგატიურ ფაქტორებს, ვირუსებს და გაციებას. თუმცა არ დაგავიწყდეთ, რომ ყველაფერში ზომიერებაა საჭირო.