სველი ხელსაწმენდი უკვე დიდი ხანია გახდა ჩვენი ყოველდღიურობის ნაწილი. მათი მოხმარება საკმაოდ კომფორტულია, მითუმეტეს როცა გარეთ ვიმყოფებით. პანდემიისას ამ პროდუქტზე მოთხოვნა გაიზარდა.
თუმცა ჰიგიენური საშუალებებიც კი არ არის ყოველთვის სასარგებლო ჩვენი ორგანიზმისთვის. სპეციალისტებმა გამოაქვეყნეს სტატია, თუ რა საფრთხის შემცველია სველი ხელსაწმენდები და გვინდა ეს ინფორმაცია თქვენ გაგიზიაროთ.
სველი ხელსაწმენდები: რატომ და რითი უნდა ჩავანაცვლოთ ის
შემადგენლობაში მყოფი მავნე ნივთიერებები
სურფაქტანტები (Surfactants)
ეს ზედაპირულად აქტიური ნივთიერებები ხშირად გვხვდება საყოფაცხოვრებო პროდუქტებში. როცა მათ დანიშნულებისამებრ ვიყენებთ, ეს არ არის იმდენად საშიში ორგანიზმისთვის. თუმცა კოსმეტიკური და ჰიგიენურ საშუალებების სახით მათი გამოყენება ნამდვილად არ არის რეკომენდირებული.
სპირტი
ერთი შეხედვით სპირტი სადეზინფექციო საშუალებაა და კლავს მიკრობებს, მაგრამ ინტიმური ან საბავშვო მოხმარების პროდუქტის შემადგენლობაში ნამდვილად არ უნდა იყოს. სპირტიანი საშუალების მოხმარება იწვევს კანის სიმშრალეს, გაღიზიანებას და ქავილსაც კი.
ფტალატები
სასტიკად აკრძალულია ისეთი სველი ხელსაწმენდის გამოყენება, რომელსაც შემადგენლობაში აქვს ფტალატები. ეს ნივთიერება ნეგატიურად მოქმედებს რეპროდუქციულ და საჭმლის მომნელებელ სისტემაზე. კვლევებით დადასურდა, რომ ამ ნივთიერებას შეუძლია ნეგატიური ზეგავლენა იქონიოს ახალშობილის განვითარებაზე და მის წონაზეც კი.
პარაბენები
სველ ხელსაწმენდებს ამ ნივთიერებას ვადის გახანგრძლივების მიზნით უმატებენ. ჯერ ბოლომდე არ არის გამოკვლეული თუ რა ნეგატიურ ზეგავლენას ახდენს ის ადამიანის ორგანიზმზე. თუმცა ზუსტადაა ცნობილი, რომ ის ილექება ადამიანის ორგანიზმში და საკმაოდ ძნელად გამოიდევნება.
ნატრიუმის ლაურილ სულფატი
ეს ქიმიკატი ცნობილიამ როგორც SLS. კანის საშუალებით ხვდება სისხლში და ანადგურებს ადამიანის იმუნურ სისტემას.
დაშლის პროცესის ხანგრძლივობა
ეს ჰიგიენური პროდუქტი საკმაოდ დიდხანს იშლება და ადრე თუ გვიან მის შემადგენლობაში მყოფი ქიმიური ნივთიერებები ხვდება ოკეანეში ან ნიადაგში. წარმოიდგინეთ მათი დაშლის ხანგრძლივობა 100 წელს შეადგენს. ეს იმიტომ, რომ მათ შეადგენლობაში არის პლასტიკის ბოჭკოებს.
რითი ჩავანაცვლოთ სველი ხელსაწმენდი
რაღა თქმა უნდა ძნელია სველი ხელსაწმენდის გამოყენება სრულად უარის თქმა, მითუმეტეს პანდემიის პერიოდში. მიუხედავად ამისა ყველანაირად ეცადეთ მათი გამოყენების სიხშირე მინიმუმამდე დაიყვანოთ. თუ საშუალება გაქვთ გამოიყენეთ წყალი ან ანტისეპტიკური სითხე.
სხვა პრობლემებთან შედარებით შეიძლება ეს უმნიშვნელოდაც მოგეჩვენოთ, მაგრამ სწორედ ასეთი დეტალებიდან იწყება ჯანმრთელობის გაფრთხილება.
აუცილებლად გაუზიარეთ ეს სტატია თქვენს მეგობრებს, რათა ისინიც გაეცნონ ამ სასარგებლო ინფორმაციას.
ჯანმრთელობას გისურვებთ!
