ალბათ ყველა დამეთანხმებით, რომ საკმაოდ რთულია საკვების მომზადებისას ბალანსის დაცვა გემრიელსა და სასარგებლოს შორის. გვიწევს იმ პროდუქტების სასარგებლო თუ საზიანო თვისებების გაცნობა რასაც ვიყენებთ. მაგალითისთვის ავიღოთ ბულგარული წიწაკა, რომელიც ამ მხრივ დღემდე საკამათო თემად რჩება.
უმეტესობისთვის საყვარელმა პროდუქტმა შესაძლოა გაგაოცოთ კიდეც. კულინარიაში მას ბოსტნეულად თვლიან, თუმცა ბოტანიკური თვალსაზრისით ტკბილი წიწაკა კენკრას მიეკუთვნება.
ბულგარული წიწაკის სასარგებლო და საზიანო თვისებები
ბულგარული წიწაკა ძალიან ბევრი დიასახლისისთვის რჩება შეუცვლელ პროდუქტად. ის ძალიან ბევრი ქვეყნის კულინარიის ნაწილია, მაგრამ ძალიან ცოტამ თუ იცის მისი საზიანო თუ სასარგებლო თვისებების შესახებ. დავიწყოთ სასარგებლო თვისებებით:
1. დაბალ კალორიული პროდუქტი.
ბულგარული წიწაკა ფაქტიურად მთლიანად წყლისგან შედგება. თუ გადაწყვეტთ წონის დაკლებას, მაშინ რაციონში ეს პროდუქტი ნამდვილად გამოგადგებათ. თუმცა აქაც საჭიროა ზომიერების დაცვა.
2. მდიდარია C ვიტამინით.
ეს ვიტამინი საკმაოდ მნიშვნელოვანია ჩვენი ორგანიზმისთვის. დღიური ნორმის მისაღებად კი მხოლოდ 40 გრ. ბულგარულის მირთმევა დაგჭირდებათ.
3. კალიუმი და რკინა.
ყვითელი ფერის ბულგარული წიწაკა შეიცავს დიდი რაოდენობით კალიუმს და რკინას. ის ძალიან სასარგებლოა გულ-სისხლძარღვთა სისტემისთვის.
4. კაროტინის საბადო.
მხედველობის დაქვეითებისას მირთვით რაც შეიძლება მეტი ბულგარული წიწაკა.
5. მდიდარია B ვიტამინით
ბულგარული წიწაკა ბუნებრივი ანტიდეპრესანტია. ის ნამდვილად გაგიუმჯობესებთ გუნება-განწყობილებას.
რაც შეეხება საზიანო თვისებებს, საუბარია შემდეგზე:
ამ ერთი შეხედვით უვნებენ პროდუქტზე როგორც აღმოჩნდა საკმაოდ ბევრ ადამიანს აქვს ალერგია. ამიტომ გირჩევთ გამოიჩინოთ სიფრთხილე მისი გამოყენებისას. ყველაზე ხშირად ალერგიული რეაქცია აქვთ ბავშვებს.
ბულგარულს გულძმარვის და კუჭის პრობლემების გამოწვევაც შეუძლია. თუმცა მომზადებული სახით მისი მიღებისას 80%-ით მცირდება ამ ყოველივეს განვითარების რისკი. უმი სახით დღეში 3-4 ცალის მირთმევა შეიძლება, თუმცა შეიძლება გამოიწვიოს კუჭ-ნაწლავის ტრაქტის ძლიერი გაღიზიანება.
დღეში მხოლოდ 1 ცალი ბულგარულის მიღება სავსებით საკმარისია ჯანმრთელობის მხარდასაჭერად. აქვე შეგახსენებთ, რომ მის შემადგენლობაში მყოფი ვიტამინები ცხიმში ხსნადია და მაქსიმალური სარგებელის მიღება სწორედ მომზადებული სახით მიღებისას შეგიძლიათ.
აუცილებლად გაუზიარეთ ეს სტატია თქვენს მეგობრებს, რათა ისინიც გაეცნონ ამ სასარგებლო ინფორმაციას.
ჯანმრთელობას გისურვებთ!
