ცოტა ხნის წინ მთელი ოჯახი ვიყავით გასული ბუნებაში და გავცივდით. სწორედ მაშინ გამახსენდა ჩემი ბავშვობის დროინდელი ”წამალი” და გადავწყვიტე მისი მომზადება ჩემი შვილისთვის. 2 თუ 3 დღეში ხველამ საგრძნობლად იკლო, რამოდენიმე დღეში კი სრულად გაქრა. გიზიარებთ რეცეპტს:
დაგჭირდებათ:
– 300 გრ. ნაღების კარაქი
– 300 გრ. თაფლი
– 100 გრ. კაკაოს ფხვნილი
– 1 ჭიქა შაქარი
მომზადების წესი:
1. წყლის აბაზანაზე გაალღვეთ ნაღების კარაქი.
2. გადაიტანეთ ემალის ჭურჭელში და დადგით ძალიან ნელ ცეცხლზე.
3. დაუმატეთ თაფლი და ურიეთ ერთგვაროვანი მასის მიღებამდე. აუცილებლად მიაქციეთ ყურადღება, რომ არ ამოდუღდეს.
4. ბოლოს დაუმატეთ კაკაოს ფხვნილი და ისევ ურიეთ ერთგვაროვანი მასის მიღებამდე.
5. როცა შოკოლადის მასა ოდნავ შეგრილდება, გადაიტანეთ შუშის ჭურჭელში და შემდეგ შეინახეთ მაცივარში. შენახვის ვადა აქვს 6 თვე.
გამოყენების წესი:
1 ჭიქა ცხელ რძეში გახსენით 1 ს.კ. შოკოლადის მასა და მიიღეთ ცხელ მდგომარეობაში. სასმელი იმდენად გემრიელი გამოდის, რომ ბავშვები დიდი სიხარულით მიირთმევენ.
კაკაო ძალიან კარგია, რადგან ამშვიდებს გაღიზიანებულ ყელს და ხსნის მშრალი ხველის შეტევას. ეს ყველაფერი მის შემცველობაში მყოფი თეობრომინის დამსახურებით ხდება.
აუცილებლად გაუზიარეთ ეს სტატია თქვენს მეგობრებს, რათა ისინიც გაეცნონ ამ სასარგებლო ინფორმაციას.
ჯანმრთელობას გისურვებთ!
