ძირითადად შემოდგომაზე იკეთებენ ქალბატონები პილინგს. ეს საკმაოდ ცნობილი პროცედურაა, მაგრამ მაინც ყოველი შემთხვევისთვის გეტყვით, რომ ეს არის სახიდან მკვდარი უჯრედების მოსაშორებელი პროცედურა. სალონში პილინგს რამოდენიმე მეთოდით აკეთებენ.
ყველას არ აქვს სალონში მისვლის და ძვირადღირებული პროცედურის ჩატარების საშუალება. ეს არც არის საჭირო, რადგან არსებობს პილინგის სახლში ჩატარების რეცეპტი. ამისთვის არ არის საჭირო არც 2 დღიანი ლოდინი და არც კანის სპეციალური მომზადება. ეს რეცეპტი ჩვენს ოჯახში თაობიდან თაობას გადაეცემა…
პილინგი სახლის პირობებში
დაგჭირდებათ:
– 3 გრ. სარეცხის საპონი 72%-იანი
– 1 ს.კ. ადუღებული წყალი
– 2 ამპულა 10%-იანი კალციუმის ქლორიდის ხსნარი
– პლასტმასის ღრმა ჭურჭელი
– ხელის სათქვეფი
მომზადების და გამოყენების წესი:
1. პორველ რიგში გახეხეთ ან დაჭერით წვრილად სარეცხის საპონი და მოათავსეთ პლასტმასის ჯამში.
2. დაასხით საპონს ადუღებული წყალი და დატოვეთ 40 წუთით. ზუსტად შეარჩიეთ წყლის რაოდენობა, რათა პროცედურამ წარმატებით ჩაიაროს. საპონი მთლიანად უნდა გაიხსნას წყალში. მიღებული მასა ათქვიფეთ ხელის სათქვეფით. უნდა მიიღოთ წელვადი საპნის ქაფი.
3. ფრთხილად გახსენით კალციუმის ქლორიდის ამპულები და ჩაასხით საპნის მასაში. თუ საპონი ნამდვილად ხარისხიანია, თქვენ მიიღებთ ქაფის მსუბუქ და სქელ მასას.
4. მიღებული მასა უნდა წაისვათ აუცილებლად სუფთა და მსრალ კანზე. პროცედურის წინ აუცილებლად დაიბანეთ და კარგად შეიშრეთ.
5. წაისვით პილინგ ნიღაბი სახეზე და 10 წუთის შემდეგ დაიწყეთ მსუბუქად დამასაჟება. ამ ნიღბის გამოყენება ასევე შეგიძლიათ ყელისა და დეკოლტეს ზონაზე. გაითვალისიწნეთ! თვალის გარშემო არ უნდა წაისვათ.
6. ხელებით იგრძნობთ თუ როგორ წარმოიქმნება სახეზე მკვრივი მარცვლების მაგვარი მასა. ეს ნიშნავს იმას, რომ პილინგი მოქმედებს და თქვენი სახიდან ხდება მკვდარი უჯრედების მოცილება. 3 წუთიანი პროცედურის შემდეგ შეგიძლიათ ჩამოიბანოთ. ჩამობანისას მნიშვნელოვანია სისწრაფე, ამიტომ გირჩევთ შხაპის ქვეშ ჩამობანას.
7. აუცილებლად გაითვალისწინეთ! ჩამობანის შემდეგ კანი არ გაიმშრალოთ პირსახოცით. პროცედურის შემდეგ წაისვით უბრალოდ რამოდენიმე წვეთი არარაფინირებული მცენარეული ზეთი. არავითარ შემთხვევაში არ წაისვათ არანაირი კრემი მინიმუმ 5 საათის განმავლობაში მაინც.
სალონის ძვირადღირებული პროცედურების ნამდვილად კარგი შემცვლელია ეს პილინ-ნიღაბი.
აუცილებლად გაუზიარეთ ეს სტატია თქვენს მეგობრებს, რათა ისინიც გაეცნონ ამ სასარგებლო ინფორმაციას.
