ალოე (ლათ. Alóe véra) საქართველოში ველური სახით არ გვხვდება, მაგრამ იგი თითქმის ყოველ ოჯახს აქვს და ყველასათვის კარგადაა ცნობილი, როგორც ოთახის კულტურა. ალოეს სამშობლო აფრიკაა.
ალოეს მოვლა საკმაოდ მარტივია. მთავარია ჰქონდეს ოდნავ ნოტიო ნიადაგი, ხოლო ზამთარში მისი მორწყვა ხდება 25-30 დღეში ერთხელ. ალოე კარგად უძლებს გვალვას, მაგრამ ძალიან უჭირს ჭარბი ტენიანობის ატანა.
ალოეს სამკურნალო თვისებები
ალოეს სამკურნალო თვისებების შესახებ ყველაზე ძველი ჩანაწერი არის ებერსის ძველი ეგვიპტური პაპირუსი, რომელიც ჩვენს წელთაღრიცხვამდე 1500 წლით თარიღდება. ამ ჩანაწერში აღწერილი იყო 12 სამკურნალო რეცეპტი, რომლის დამზადებაც ხდებოდა ალოესგან. ეს მცენარე დღემდე ძალიან პოპულარულია.
სამკურნალოდ იყენებენ ალოეს წვენს და რბილობს. ამ მიზნით ყველაზე კარგია სქელი და დიდი ფოთლების გამოყენება. ფოთოლი სასარგებლო თვისებების მაქსიმუმს აღწევს მაშინ, როცა მისი წვერი იწყებს ოდნავ გახმობას.
ალოეს ფოთლების გამოყენებამდ, საჭიროა მათი შენახვა მაცივარში რამოდენიმე დღით. ამის შემდეგ გადაავლებთ ცხელ წყალს და რბილობის განთავისუფლება უხეში კანისგან ბევრად გაგიადვილდებათ.
ალოეს წვენი ძლიერი ანტიბაქტერიული საშუალებაა. ის ძალიან კარგად უმკლავდება ისეთ პათოგენურ მიკრობებს, როგორიცაა: სტაფილოკოკი, სტრეპტოკოკი, კოლიბაცილები და დიზენტერიის ბაცილები. ალოეს წვენი მდიდარია ვიტამინებითა და მინერალებით. მის შემადგენლობაშია: კალიუმი, კალციუმი, ნატრიუმი, სელენი, ქრომი, მაგნიუმი, სპილენძი, თუთია და ვიტამინები С, А, Е, В1, В2, В6, В9, В12.
ალოე ვერა გარეგანი გამოყენებისთვის
1. ალოე ვერა ხელს უწყობს წყლულებისა და ეგზემის განკურნებას.
2. ამშვიდებს დერმატიტს.
3. ეფექტურია აკნეს დროს.
4. ხელს უწყობს კანის უჯრედების აღდგენას დამწვრობის ან მოყინვის შემდეგ.
5. ეფექტურია ვენების ვარიკოზული გაგანიერებისას.
6. ალანტოილის დახმარებით ალოე კარგად ატენიანებს კანს.
7. ხელს უწყობს კანის გაახალგაზრდავებას.
8. ამშვიდებს კანს მწერის ნაკბენის შემდეგ.
9. თაფლთან ერთად ალოე ეფექტურია სიმელოტის და ქერტლის დროს.
10. ეფექტურია პარსვის შემდეგ კანის გაღიზიანების და მცირეოდენი ჭრილობების დროს.
11. ალოე დაგეხმარებათ ნაწიბურების მოშორებაში.
ალოე ვერა შინაგანი მოხმარებისთვის
1. ხელს უწყობს იმუნიტეტის გაძლიერებას.
2. ხელს უწყობს სისხლში შაქრის დონის დარეგულირებას.
3. ხელს უწყობს საჭმლის მონლებელეი სისტემის მუშაობის გაუმჯობესებას და ეფექტურია კოლიტის დროს.
4. აუმჯობესებს სისხლის ხარისხს და ამაგრებს გულს.
5. ალოე ძალიან სასარგებლოა ღრძილების ჯანმრთელობისთვის.
6. ეფექტურია ართრიტის დროს წარმოქნილი შეშუპების დროს.
7. ხელს უწყობს საშარდე გზების ფუნქციონირების გაუმჯობესებას.
ასეთი სასარგებლო და უნიკალური მცენარე უნდა იყოს თითოეულ ოჯახში. თუ არ გაქვთ, აუცილებლად უნდა დაფიქრდეთ ამ საკითხზე.
გაუზიარეთ ეს სტატია თქვენს მეგობრებს, რათა ისინიც გაეცნონ ამ სასარგებლო ინფორმაციას.
ჯანმრთელობას გისურვებთ!
