ოსპი მიჩნეულია დედამიწაზე არსებულ ერთ-ერთ ყველაზე სასარგებლო პროდუქტად. ის პარკოსანთა ოჯახის ერთწლოვანი მცენარეა, ბრტყელი და წვრილი თესლებით. მეთოთხმეტე საუკუნეში გაჩნდა ჩვენს კულტურაში. მას შემდეგ განსაკუთრებით დიდი პოპულარობა მოიპოვა მუშათა კლასში და გლეხებში. მას ღარიბთა ხორცს უწოდებდნენ.

მისგან ამზადებდნენ ფაფებს, ღვეზელების შიგთავსს და პურეულს. მიუხედავად ამისა დროთა განმავლობაში ის დაივიწყეს არადა სულ ტყუილად, აუცილებელია მისი დაბრუნება ჩვენს რაციონში.

დღეს გაგაცნობთ ოსპის სასარგებლო თვისებებს და გასწავლით როგორ მოამზადოთ ის. ეს პროდუქტი არა მარტო სასარგებლო, არამედ გემრიელიცაა.

ოსპის სასარგებლო თვისებები

იცოდით, რომ დიეტოლოგები ოსპს ცილოვან სუპერსაკვებად მიიჩნევდნენ?

1.  ვეგეტარიანელებისთვის ოსპი ხორცის ჩამანაცვლებელი პროდუქტია. ის მდიდარია ცილებით და ცელულოზით.

2. ოსპი გამოდევნის ორგანიზმიდან შლაკებს და ტოქსინებს. ის შეიცავს დიდი რაოდენობით ამინომჟავებს, მინერალებსა და ვიტამინებს.

3. ოსპი პირველ ადგილზეა ფოლიუმის მჟავის შემცველობით. ის გვინარჩუნებს ნერვული სისტემის ჯანმრთელობას, გვეხმარება მეტაბოლიზმის დაჩქარებაში და მნიშვნელოვან როლს ასრულებს ერითროციტების სინთეზში ვიტამინი В9 –ს შემცველობის წყალობით.

4. ოსპი ხსნის საჭმლის მონელებასთან დაკავშირებულ პრობლემებს, ყაბზობას, გაღიზიანებული ნაწლავის სინდრომს და დივერტიკულოზს, რადგან შეიცავს უხსნად ცელულოზას.

5. ოსპის შესანიშნავი საშუალებაა ორგანიზმში რკინის მარაგის შესავსებად. ეს პროდუქტი განსაკუთრებით სასარგებლოა ფეხმძიმე და ლაქტაციის პერიოდში მყოფი ქალბატონებისთვის. წითელი ხორცისგან განსხვავებით, რომელიც რკინის შემცველობითაა ცნობილი, ოსპი ცხიმებს საერთოდ არ შეიცავს.

6. ოსპი დეპრესიისა და შფოთვის გადალახვაშიც დაგეხმარებათ. ის შეიცავს ამინომჯავა ტრიფტოფანს, რომელიც ორგანიზმში სეროტონინად გარდაიქმნება. სწორედ მისი უკმარისობა იწვევს დეპრესიისკენ მიდრეკილებას,.

7. ამ პროდუქტის მიღება დიაბეტიკებისთვის და ჰიპერტონიკებისათვისაა ძალიან სასარგებლო.

როგორ მოვამზადოთ ოსპი?

1. პირველ რიგში ოსპი უნდა გაარჩიოთ და კარგად გარეცხოთ გამდინარე წყლის ქვეშ. გარეცხვის შემდეგ საჭიროებს ჩალბობას. ჩალბობასაც თავისი წესი აქვს.
– მწვანე ფერის ოსპს ვალბობთ 1–2 საათი.
– ყავისფერი ფერის ოსპს ვალბობთ 40–60 წუთი.
– მოწითალო და ყვითელი ფერის ოსპი ჩალბობის გარეშეც გამოიყენება.

2. მოხარშვისას ოსპს 2–ჯერ მეტი წყალი უნდა დაასხათ. მაგალითად: 1 ჭიქა ოსპს ჭირდება 2 ჭიქა წყალი.

3. ოსპს მოხარშვისას არ დააფაროთ ტავსახური და აუცილებლად მოაცილეთ ქაფი. ჯერ დადგით საშუალო ცეცხლზე ადუღებამდე და შემდეგ ნელ ცეცხლზე მოხარშვამდე.

4. თუ გინდათ, რომ მალე მოიხარშოს მარილი ბოლოს მოაყარეთ.

5. მწვანე ოსპს მოსახარშად ჭირდება 40 წუთი, ყავისფერს –30, წიტელს და ყვითელს –15.

6. უკვე მოხარშული და გამზადებული ოსპი შეგიძლიათ შეაზავოთ თქვენი სურვილისა და გემოვნებისამებრ.

აუცილებლად დააგემოვნეთ ეს გემრიელი და თან ძალიან სასარგებლო პროდუქტი.

ჯანმრთელობას გისურვებთ!