ძირითადად ვზრუნავთ სახის კანის მოვლასა და სხეულის ტონუსის შენარჩუნებაზე. ამ დროს კი გვავიწყდება ყელის მოვლა, რომელიც საკმაოდ მნიშვნელოვანი ზონაა ახალგაზრდული გარეგნობის შენარჩუნებისთვის.
ყელისა და ნიკაპის გარეგნულ მხარეზე პასუხისმგებელია კისრის კანქვეშა კუნთები – პლატიზმა. სხვა კუნთებისგან განსხვავებით გარე დაზიანებებისა და ასაკობრივი ცვლილებების მიმართ ის ძალიან მგრძნობიარეა.
პლატიზმას, ისევე როგორც ყველა კუნთს, ახასიათებს ელასტიურობის დაკარგვა. ამასთან ერთად ის არ უკავშირდება ძვლოვან ქსოვილს. სახის კანზე ბევრად ნაკლებ ცხიმოვან უჯრედს შეიცავს ყელის კანი, ამიტომ ის უფრო მეტადაა მიდრეკილი სიმშრალისა და ნაოჭების გაჩენისკენ. სახეზე მეტად, ყელზეა აუცილებელი და მნიშვნელოვანიც დამატენიანებელი კრემის წასმა.
ასაკობრივი ცვლილებებიც პირველი ყელის კანვეშა კუნთში ჩნდება. ამ დროს შეიძლება წარმოიქმნას ორმაგი ნიკაპი ან ე.წ. „ინდაურის ყელი“
კისრის ქვედა ნაწილსა და ნიკაპს შორის გროვდება ცხიმოვანი ქსოვილი. ამის გამო ის ჩამოწეული და დანაოჭებული ხდება.
უმოქმედობის გამო პლატიზმა სუსტი და მოდუნებული ხდება. ეს კი ძალიან ცუდად მოქმედებს კანის დაჭიმვაზე და ელასტიურობის შენარჩუნებაზე. ყელის კანის მდგომარეობის გაუარესების ერთ–ერთი მთავავარი მიზეზი ცუდი დგომაა.
ყელის კანქვეშა კუნთის ვარჯიშები
1. გაიღიმეთ და 5 წამით სახის ქვედა ნაწილი დაჭიმეთ. კუნთები კი მოადუნეთ ამ დროს. გაიმეორეთ ეს ყველაფერი 1 წუთის განმავლობაში. ეს ვარჯიში ხელს უწყობს ტუჩის კუთხეების დაჭიმვასა და სახის პოზიტიურ ცვლილებას.
პლატიზმის დაჭიმვით კი ხელს შეუწყობთ ყელის დაჭიმვასა და კუნთების გააქტიურებას. ამ ვარჯიშების ეფექტურობა მის რეგულარულ შესრულებაზეა დამოკიდებული.
2. კისერი და ქვედა ტუჩი ისე დასწიეთ ჩასუნთქვის დროს ქვევით, რომ მაქსიმალურად დაიჭიმოს კისრის კანქვეშა კუნთები. ამ დროს მყესები აუცილებლად უნდა გამოჩნდეს კისერზე, დანარჩენი კუნთები კი მოდუნებული უნდა იყოს.
ასე გაჩერდით 6 წამი, შემდეგ კი მთლიანად მოადუნეთ ამოსუნთქვასთან ერთად. შეასრულეთ ეს ვარჯიში 4–5 ჯერ, 2–3 წამიანი შესვენებებით.
3. გულ–მკერდის არეს ხელისგულებით მესამე ნეკნის დონეზე დააჭირეთ და გადახარეთ თავი წინ. თიტები ნეკლნზე კარგად დააფიქსირეთ და ჩაისუნთქეთ, შემდეგ ნელ–ნელა წამოწიეთ თავი და უკან გადაწიეთ. ამ ვარჯიშით კისრის კანქვეშა კუნთების დაჭიმვა ხდება.
ამოისუნთქეთ და გააჩერეთ თავი ვერტიკალურ მდგომარეობაში. გაიმეორეთ ეს ვარჯიში 3–6 ჯერ. თავი გადასწიეთმაქსიმალურად უკან, გააღეთ პირი ფართოდ და ცხვირიდან ნელ–ნელა შეისუნთქეთ ჰაერი. თავი გქონდეთ უკან გადაწეული, ამოისუნთქეთ ცხვირიდან და პირი ნელ–ნელა დახურეთ. ზედა და ქვედა ყბა აუცილებლად შეაერთეთ. ბოლოს დაუბრუნეთ თავი ვერტიკალურ მდგომარეობას. გაიმეორეთეს ვარჯიში 36–ჯერ, 2–3 წამიანი შესვენებებით.
4. სიმჰასანა ანუ ლომის პოზა. ენის გამოყოფის დროს ხდება მუცლის, მენჯის, გულ–მკერდის კუნთების და ტავად ენის კუნთების გააქტიურება.
ღრმად ამოსუნთქვის დროს ხდება ხმის იოგებისა და მენჯის კუნთების გააქტიურება. კისრის კანვეშა კუნთები კი მცირდება.
სიმჰასანა მთლიანობაში საკმაოდ ბევრ კუნთ ასტიმულირებს. ისეთებსაც, რომლებსაც ნაკლები ყურადღება ეთმობა.
5. რაც შეიძლება დიდზე გაბერეთ ლოყები, დამუწეთ პირი და დაიწყეთ ჰაერის წრიულად მოძრაობა პირის ღრუში. დაიწყეთ მარცხენა ლოყიდან და მიყევით > ზედა ტუჩი > მარჯვენა ლოყა > ქვედა ტუჩი. ბოლოს ოდნავ უკან გადაწიეთ თავი და ნელ–ნელა გამოუშვით ჰაერი. გაიმეორეთ ეს ვარჯიში 3–5 ჯერ.
შეასრულეთ ეს ვარჯიშები ყოველდღე რეგულარულად და სულ მალე დაინახავთ კიდეც შედეგს.
წარმატებას გისურვებთ!
