ზოგადად გრიპისა და გაციების თავიდან ასარიდებლად ყველამ იცის, რომ ეფექტურია ძახველი, ქაცვი, მარწყვი და ჟოლო. თუმცა გარკვეულ კომპონენტებთან ერთად ისინი ბევრად უფრო ეფექტურია და დღეს სწორედ ასეთ კომბინაციებს გაგანდობთ.
ჟოლო და ძახველი, ქაცვი და კოჭა. ეს ორი კომბინაცია საკმაოდ სასარგებლოა თქვენი ჯანმრთელობისთვის. ჟოლოსა და ძახველის ჩაის აქვს სიცხის დამწევი, ოფლმდენი და წნევის დამწევი თვისებები. ის შესანიშნავი საშუალებაა ხველებისა და ციებ–ცხელების დროს.
ქაცვისა და კოჭას ჩაი შეუცვლელია ავიტამინოზის დროს. ის C ვიტამინითაა მდიდარი. სხვა სასარგებლო კომპონენტების დამატებით კი მისი ეფექტურობა უფრო იზრდება.
სეზონზე დიასახლისთა უმეტესობა ყინავს კენკრას, მაგრამ შემდეგ ავიწყდებათ და საბოლოოდ ხვდება ნაგავში. თუმცა არსებობს კენკრის შენახვის გონივრული გზა, რომელიც გაგიმარტივებთ საქმეს და მისი გამოყენებაც ბევრად ადვილია.
დააბლენდერეთ კენკრა, მოათავსეთ ყინულის ფორმებში და ისე შეინახეთ მაცივარში. ყოველი მიღებისას უბრალოდ ჩააგდებთ კუბს ჭიქაში, დაასხავთ ადუღებულ წყალს და თქვენი სასარგებლო ვიტამინებით მდიდარი სასმელიც მზადაა.
გაითვალისწინეთ: ქაცვი უნდა გადაწუროთ საცერში, რომ კურკები მოაშოროთ. თაფლი ან შაქარი უკვე გამზადებულ თბილ ჩაის უნდა დაუმატოთ. აუცილებლად მიირთით რბილობი, რომელიც დარჩება ჭიქის ძირში. ვიტამინის კუბები კი ქვემოთ მოყვანილი რეცეპტების მიხედვით გაამზადეთ.
ვიტამინის კუბები
- 2 ჭიქა ქაცვი, 2 ფორთოხალი ქერქიანად, 1 კოჭის ფესვი, 2 ჩ.კ. დარიჩინი.
- 200 გრ კოჭის ფესვი, 2 ლიმონი, 1 ჩ.კ. დარიჩინი, კონა პიტნა ან ბარამბო.
- 1 ჭიქა ჟოლო, 0,5 მოცხარი, 1 კონა პიტნა.
- 200 გრ კოჭის ფესვი, 2 ლიმონი, 1 ჩ.კ. დარიჩინი, კონა პიტნა ან ბარამბო.
- 2 ჭიქა ძახველი, 1 ჭიქა ჟოლო, 1 ლიმონი
- 1 ჭიქა შტოში ან წითელი მოცვი, 0,5 ჭიქა ჟოლო, 0,5 ლიმონი
- 1 ჭიქა მარწყვი, 2 ს.კ. მშრალი გვირილას ყვავილები, 0,5 ლიმონი
ჯანმრთელობას გისურვებთ!
