პიოდერმია პიოკოკებით: სტაფილოკოკებით, სტრეპტოკოკებით, იშვიათად პნევმოკოკებით გამოწვეული კანის ჩირქოვან-ანთებითი დაავადებაა. პიოდერმიის გამომწვევი უმეტესად სტაფილოკოკი და სტრეპტოკოკია. უფრო სწორად, კანის დაჩირქებას განაპირობებს ამ ჩირქმბადი მიკრობების მიერ ცხოველქმედების პროცესში გამოყოფილი მეტაბოლიზმის პროდუქტები – ეგზოტოქსინები, ენტეროტოქსინები, ფერმენტები და სხვა. პიოდერმიის განვითარებაში მნიშვნელოვან როლს ასრულებს ნერვული სისტემის ფუნქციური მოშლილობა და კანის სებორეული მდგომარეობა.
დღეს ჩვენ გაგიზიარებთ რამოდენიმე რეცეპტს, რომელიც გამოგადგებათ კანის ამ ჩირქოვანი დაავადების დროს:
1. დაზიანებულ ადგილზე დაიდეთ კომბოსტოს ფურცელი, რომელსაც შიგნიდან წინასწარ წაუსვით კვერცხის გულისა და ჭვავის პურის ნარევი
2. ერთ–ერთი საუკეთესო საშუალებაა თუ გამოიყენებთ ნახვევის ან კვერის სახით ნაძვის, სოჭის ან ფიჭვის ფისის.
3. შეურიეთ ერთმანეთს კულმუხოს მშრალი ფესვები და ვაზელინი, შეფარდებით 1/4 –თან წაისვით დღეში ორჯერ.
.
4. ხვართქლას ბალახის მიწის ხედა ნაწილს დაასხით სპირტი. შეინახეთ ბნელ და გრილ ადგილზე 10 დღე, შემდეგ გადაწურეთ და წაისვით დღეში ორჯერ დაზიანებულ ადგილზე.
5. უმარილო კარაქს შეურიეთ დაფქული ასფურცელას მშრალი ფოთლები, შეფარდებით 1/4–თან და კარგად აურიეთ ერთმანეთში. ეს მალამო ნებისმიერი ჩირქოვანი პროცესისას შეგიძლიათ გამოიყენოთ.
6. 500 მლ. წყალში ჩაყარეთ 50 გრ. ტირიფის ქერქი, ადუღეთ 20 წუთის მანძილზე. მიიღებთ ბლანთ ნახარშს. ამ ნახარშით გაიკეთეთ კომპრესები დღეში 1– ჯერ.
7. 200 მლ. წყალში ჩაყარეთ 10 გრ. ღორის ბირკას ბალახი. ადუღეთ 3 წუთი, შემდეგ გადმოდგით და დააყენეთ 1 საათი. ეს ნახარში უებარია ფოლიკულიტის დროს. გამოიყენეთ კანის გასაწმენდად.
