სახის კანის შეშუპების მოსახსნელად, სისხლის მიმოქცევის ნორმალიზების და მიკროცირკულაციისთვის საჭიროა სპეციალური კოსმეტოლოგიური ჩარევები. თუმცა, ეს შეგიძლიათ, უბრალო მეთოდითაც შეცვალოთ, რისი მომზადება სახლშიც შეგიძლიათ. ესაა- კოსმეტიკური ყინული.
თუ ცხიმიანი და პრობლემური კანი გაქვთ, უმჯობესია პროცედურა გაიმეოროთ დღეში 2-ჯერ, დილა-საღამოს. ყინული ელასტიურს ხდის კანს და ტონუსს აძლიერებს. არსებობს ყინულის დამზადების სხვადასხვა ხერხი. თუმცა, გაყინული მინერალური წყალიც ეფექტურია.
როგორ ხდება ყინულით დაბანა:
მაკიაჟი მოიშორეთ სახიდან, დაიბანეთ ბალახის ნახარშით, კარგად გაიწმინდეთვ და შეიმშრალეთ პირსახოცით. ბოლოს აიღეთ ყინული და დაიწყეთ. პროცედურა გაიმეორეტ დღეში 2-ჯერ.
პროცედურა მოიცავს 5 წუთს. კანის მასაჟური დამუშავების შემდეგ, დაელოდეთ მის გაშრობას, ბოლოს წაისვით დამატენიანებელი კრემი.
კოსმეტიკური ყინულის მომზადება:
1.ყინულის ფორმებში ჩაასხით და გაყინეთ 1 ს/კ ცაცხვის ყვავილის და 0,5 ჭ. მდუღარე წყლის ნარევი, შეგიძლიათ დაამატოთ რამდენიმე წვეთი ლიმონი.
2.მდუღარე წყალი დაასხით მწევანე ჩაის ფოთლებს, დატოვეთ 30 წთ. ფორმებში ჩაასხით და გაყინეთ.
3.აიღეთ 1 ს/კ ვარდის ფურცლები და დაასხით 1 ჭ. მდუღარე წყალი, გააჩერეთ 1 საათი, ფორმებში ჩაასხით და გაყინეთ.
4. ოხრახუში დაჭერით, 4 სუფრის კოვზს დაასხით 1 ჭ. მდუღარე წყალი, გაააჩერეთ 1 საათი, ჩაასხით ფორმებში და გაყინეთ.
5. 2 ჭ. წყალი დაასხით 2 ს/კ შვიტას, აადუღეთ, გადაწურეთ, გააციეთ და ფორმებში ჩასხმული გაყინეთ მაცივარში.
6.ვაშლი, კივი, კიტრი, ფორთოხალი დაჭერით, გაყინეთ და მათი კუბიკებით გაიწმინდეთ სხე.
ყინულის კუბიკები კარგი საშუალებაა დეკოლტეს და ყელის ზონისთვისაც. შეგიძლიათ გამოიყენოთ ბოსტნეულის და ხილის წვენიც. სანამ გაყინავთ, განაზავეთ წყლით.
