წითელი მოცვი ძალიან სასარგებლოა თქვენი ჯანმრთელობისთვის. დღეს სწორედ მის სასარგებლო თვისებებზე გესაუბრებით. ის შეგიძლიათ გაყინოთ კიდეც, რათა ნებისმიერ დროს შეძლოთ მისი ცოცხალ მდგომარეობაში გამოყენება.
წითელი მოცვის სასარგებლო თვისებები
ყველა კენკრის მსგავსად, წითელი მოცვიც ვიტამინების და მიკროელემენტების ნამდვილი საბადოა. ის შეიცავს რკინას, თუთიას, ალუმინს, კალიუმს, ფოსფორს, ნატრიუმს და მანგანუმს. ასევე ვიტამინებს: С, РР და В. ამ სასარგებლო თვისებებს ის არც გაყინვის შემდეგ კარგავს.
წითელი მოცვში ყველაზე დიდი რაოდენობითაა ანტიოქსიდანტი პოლიფენოლები.
ვისთვის არის წითელი მოცვი ყველაზე სასარგებლო
1. Р და С ვიტამინის მაღალი შემცველობის წყალობით წითელი მოცვი გამოიყენება გულ-სისხლძარღვთა დაავადებების პროფილაქტიკისთვის. ის ამაგრებს სისხლძარღვების კედლებს.
2. წითელი მოცვი ამცირებს სისხლში ქოლესტერინის დონეს და ახდენს ლიპიდური მეტაბოლიზმის ნორმალიზებას. მნიშვნელოვანია გულით დაავადებულთათვის და ჰიპერტონიკებისთვის.
3. წითელი მოცვს იყენებენ თირკმელებში არსებული კენჭების სამკურნალოდ.
4. წითელი მოცვი არა მხოლოდ შინაგანი გამოყენებისთვისაა. მისი ნიღბები იდელაურია კანიდან აკნესა და სიწითლეების მოსაშორებლად.
ჩვენ მაინც გირჩევთ, რომ არ მიმართოთ თვითმკურნალობას და წინასწარ გაიაროთ კონსულტაცია მკურნალ ექიმთან.
რატომ არის წითელი მოცვი განსაკუთრებით სასარგებლო შემოდგომაზე
წითელი მოცვის წყალობით თქვენ მარტივად გაუმკლავდებით გრიპსა და გაციებას. ამ კენკრას სიცხის დამწევი ეფექტიც აქვს. გარდა ამისა ის შესანიშნავი ანტიბაქტერიული საშუალებაცაა. წითელი მოცვის წვენი პირის ღრუს დაავადებების დროსაც შეგიძლიათ გამოიყენოთ.
წითელი მოცვი შეიცავს დიდი რაოდენობით В ვიტამინს, რომელიც უზრუნველყოფს კარგ განწყობას. წითელი მოცვის ჩაი თავიდან აგარიდებთ დეპრესიას, განსაკუთრებით შემოდგომა-ზამთრის პერიოდში, როცა ამინდის ცვლილების და სიცივის გამო უამრავი ადამიანი განიცდი დიკსომფორტს.
აუცილებლად გაუზიარეთ ეს სტატია თქვენს მეგობრებს, რათა ისინიც გაეცნონ ამ სასარგებლო ინფორმაციას.
ჯანმრთელობას გისურვებთ!
