ბოლო დროს ხშირად განიხილავენ სოდიან აბაზანას, როგორც ეფექტურ გასახდომ საშუალებას. შეესაბამება კი ეს სიმართლეს? დღეს სწორედ ამ თემაზე გესაუბრებით.
საკვები სოდა ნამდვილად ბევრი სასარგებლო თვისების მატარებელია, მაგრამ საჭიროა დიდი სიფრთხილის გამოჩენა შინაგანი გამოყენებისას. მან შეიძლება გამოიწვიოს კუჭის ლორწოვანი გარსის სერიოზული გაღიზიანება. გარეგანი გამოყენების დროს საქმე ბევრად მარტივადაა. სოდიანი აბაზანა ხელს იწყობს ორგანიზმის გაწმენდას შლაკებისგან და ტოქსინებისგან, აქვს დამამშვიდებელი ეფექტი და ამშვიდევს კანს. სოდიანი აბაზანა ასევე ძალიან ეფექტურია მოწამვლის დროს.
სოდიანი აბაზანის მიღების წესი
სოდის აბაზანის მიღებისას ხდება ორგანიზმის გაწმენდა ტოქსინებისგან, კანის სიმშრალის მოშორება პირველივე პროცედურის შემდეგ, აქრობს გარეგან ანთებით პროცესებს, აქრობს გამონაყარს და უბრუნებს კანს ელასტიურობას. გარდა ამისა ასუაფთავებს სისხლს და ლიმფას.
სოდიანი აბაზანები განსაკუთრებით სასარგებლოა სხვადასხვა სახის კანის დაავადებების დროს.
როგორ მივიღოთ სოდიანი აბაზანა?
1. პირველ რიგში აავსეთ აბაზანა ცხელი წყლით. მაგ: 200 ლიტრზე უნდა გამოიყენოთ 150-200 გრ. საკვები სოდა. რამოდენმე პროცედურის შემდეგ შეგიძლიათ გაზარდოთ სოდის რაოდენობა 300-400 გრ.- მდე. წინასწარ გახსენით ცხელ წყალში სოდა ცალკე ჭურჭელში და შემდეგ ჩაასხით აბაზანაში. შეგიძლიათ დაუმატოთ ლავანდის ან ჩაის ხის ზეთის ეთერზეთი. ასევე კარგია გვირილის ნაყენის დამატებაც. ეს უკვე თქვენს სურვილზეა დამოკიდებული.
2. ეფექტურობის გასაზრდელად შეგიძლიათ დაუმატოთ 1 კგ. მსხვილი მარილი ან აიღოთ ნახევარ-ნახევარი ზღვის მარილთან ერთად.
3. უნდა ჩაიტაროთ 10 პროცედურა დღეგამოშვებით. ამის შემდეგ აუცილებლად უნდა შეისვენოთ 10-14 დღე.
4. პროცედური ხანგრძლივობა უნდა დაიწყოთ 10 წუთით და მაქსიმუმ 60 წუთამდე აიყვანოთ.
5. სოდიანი აბაზანის მიღების შემდეგ არ უნდა გადაივლოთ წყალი და არ უნდა ჩამოიბანოთ სხვადასხვა საშუალებებით. გაეხვიეთ ხალათში ან პირსახოცში და დაწექით.
პირველივე აბაზანის შემდეგ გაგაოცებთ მისი ეფექტურობა.
სოდის აბაზანის გასახდომი ეფექტი
სოდიან აბაზანას ნამდვილად აქვს გასახდომი ეფექტი. მასში დამატებული ზღვის მარილი აძლიერებს ამ მოქმედებას, ხოლო ეთერზეთებს აქვთ ანტიცელულიტური ეფექტი.
გასახდომი ეფექტისთვის საჭიროა აბაზანაში 500 გრ. სოდის და 1 კგ. ზღვის მარილის დამატება. აბაზანის მიღებამდე სასურველია დაკავდეთ ფიზიკური აქტივობით. ეს უფრო გააძლიერებს მის ეფექტურობას.
გაითვალისწინეთ!
ასეთი აბაზანის მიღება არაა რეკომენდირებული მათთვის, ვისაც აქვს ჭრილობები ან ჩალურჯებები კანზე, გრიპი ან გაციება, ასთმა, დიაბეტი, ვენების ვარიკოზული გაგანიერება, ჰიპერტონია, გინეკოლოგიური ად ონკოლოგიური დაავადებები. ასევე არაა რეკომენდირებული ორსულობის დროს.
რჩევა: თუ გვინდა, რომ აბაზანამ მოგვიტანოს სასურველი შედეგი, წყლის ტემპერატურა არ უნდა აღემატებოდეს 38-39 გრადუსს.
გაუზიარეთ ეს სტატია თქვენს მეგობრებს, რათა ისინიც გაეცნონ ამ სასარგებლო ინფორმაციას.
ჯანმრთელობას გისურვებთ!
