დღეს ჩვენ გაგაცნობთ ბაბუაწვერას გამოყენების რამოდენიმე მეთოდს სხვა და სხვა დაავადებების შემთხვევაში.

1. ბაბუაწვერას ფოთლები

ბაბუაწვერას ნორჩი ფოთლებისგან დამზადებული ნაყენი ძალიან სასარგებლოა.

მომზადების წესი:

ფოთლები კარგად გარეცხეთ და გააჩერეთ 20–30 წუთით მარილის კონცენტრირებულ ხსნარში. დროის გასვლის შემდეგ ისევ გარეცხეთ ცივ წყალში და გადაავლეთ მდუღარე. გამზადებული ფოთლები გაატარეთ ხორცსაკეპში და დაწურეთ მისგან წვენი. მიღებული წვენი გააზავეთ წყალში, პროპორციით 1:1–თან და ადუღეთ ნელ ცეცხლზე 2–3 წუთით.
მიღების წესი: უნდა მიიღოთ დღეში 2–ჯერ, 1/4 ჭიქა ჭამამდე 20 წუთით ადრე.

თუ ბაბუაწვერას, სტაფილოსა და თალგამის წვენს გადაურევთ ერთმანეთსი თანაბარი რაოდენობით, ამ ნაზავით თქვენ შეძლებთ კბილების მდგომარეობის, ძვლებისა და ხერხემლის დაავადებების დროს მდგომარეობის საგრძნობლად გაუმჯობესებას.

ბაბუაწვერას ფოთლისა და ფესვების წვენი ეფექტურად ამცირებს სისხლში ქოლესტერინის დონეს, ამიტომ ის გამოიყენება ღვიძლის ქრონიკული დაავადებების სამკურნალოდ.

მომზადების წესი:

თანაბარი რაოდენობით აიღეთ ბაბუაწვერას ფოთლისა და ფესვის წვენი. მოათავსეთ ჭურჭელში 100 გრ. ნაზავი ბაბუაწვერას წვენი, 15 გრ. გლიცერინი, 15 გრ. 90 გრადუსიანი სპირტი, 17 მლ. წყალი და კარგად გადაურიეთ. მიღებული ნაზავი გადაწურეთ და მოათავსეთ შუშის ჭურჭელში.
მიღების წესი: უნდა მიიღოთ დღეში 2–ჯერ 1 ს.კ.

თუ დღეში მიიღებთ 50–100 გრ. ბაბუაწვერას ფოთლის წვენს, ეს ზალიან კარგად იმოქმედებს თქვენ ორგანიზმზე. მას აქვს მატონიზირებელი, შარდმდენი და სისხლის გამწმენდი თვისება. ის დადებითად მოქმედებს სიყვითლის, კანის დაავადებების, პოდაგრის და კუჭის პრობლემების დროს.

2. ბაბუაწვერას ფესვები

ბაბუაწვერას ფესვებისგან დამზადებულ ნაყენს აქვს სისხლის გამწმენდი, ოფლმდენი და მატონიზირებელი თვისებები. ასევე ამცირებს სისხლში შაქრის დონეს, ამიტომ რეკომენდირებულია ჭარბწონიანებისთვის და დიაბეტიკებისთვის. ფესვების ნახარში კი შესანიშნავია სიყვითლის, შემცირებული მჟავიანობით გამოწვეული გასტრიტის, უძილობის და უმადობის დროს.

მომზადების წესი:

მსხვილად დაფქვით ბაბუაწვერას ფესვები. მოათავსეთ ჭურჭელში 5 ს.კ. ბაბუაწევრას ფესვი, დაასხით 1 ლ. მდუღარე წყალი და დაბალ ცეცხლზე ხარშეთ 20 წუთი. მიღებული ნახარში გააგრილეთ, გადაწურეთ და მზადაა გამოსაყენებლად.
მიღების წესი: უნდა მიიღოთ დღეში 3–ჯერ, 1/2 ჭიქა წამამდე 1 საათით ადრე.

ღვიძლის ციროზის დროს. 1 ჩ.კ. ბაბუაწვერას ფესვს დაასხით 1,5 ჭიქა წყალი და ადუღეთ 5 წუთით. უნდა მიიღოთ ჩაის სახით.

3. ბაბუაწვერას ყვავილი

ყაბზობისა და დამწვრობის შემდეგ მსუბუქი დისკომფორტის დროს შეგიზლიათ გამოიყენოთ ბაბუაწვერას ზეთი.

ჯანმრთელობას გისურვებთ!