თხილეულის მიღება ექიმების მიერაა რეკომენდირებული, განსაკუთრებით 50 წელს ზევით ადამიანებისთვის. ზოგიერთი მათგანი საზღვარგარეთიდან შემოდის და საკმაოდ ძვირადღირებულიცაა, მაგრამ ჯანმრთელობის ფასი ხომ არაფერია. მითუმეტეს თუკი იცით, რომ ამით თავს აარიდებთ საკმაოდ სერიოზულ დაავადებებს რომელთა მკურნალობაც შემდეგ ბევრად დიდი ფინანსებს უკავშირდება.
ეს მსუყე და საკმაოდ გემრიელი სასუსნავი არაჩვეულებრივია ისეთი სერიოზული დაავადებების პროფილაქტიკისთვის, როგორიცაა: სიმსივნე, ალცჰაიმერი, დემენცია და გულ–სისხლძარღვთა დაავადებები.
რა სარგებლობა მოაქვს თხილეულს ადამიანის ორგანიზმისთვის?
უამრავი კვლევითაა დადასტურებული, რომ ყოველდღიურად 1 მუჭა თხილეულის მიღება დადებიტად მოქმედებს ორგანიზმზე. ის გვეხმარება ენერგიულობის, სილამაზის და ჯანმრთელობის შენარჩუნებაში.
1. ფისტა
ფისტას რეგულარულად მიღება უზრუნველყოფს წონის კორექციას. მისი დღიური ნორმა არის მხოლოდ 15 ცალი. ტოქსიკოზისა და საჭმლის მონელების პრობლემის დროს ექიმები ფეხმძიმეებს უნიშნავენ ამ თხილეულის მიღებას.
2. ბერძნული კაკალი
ბერძნული კაკალი დადებითად მოქმედებს ნერვულ სისტემაზე და ტვინის მუშაობის გაუმჯობესებას უზრუნველყოფს. კავკასიაში ძალიან დიდი პატივს სცემენ ამ ხეს, ამიტომ არ ჭრიან და მისი ასწლოვანი ხეებიც მრავლადაა.
3. წაბლი
საკვებად წაბლის მხოლოდ ერთი სახეობაა გამოსადეგი, ის შეიცავს დიდი რაოდენობით A და C ვიტამინს. ეს თხილეული ფრანგების რჩეულია. ის დიეტურ პროდუქტად ითვლება, რადგან შეიცავს მინიმალური რაოდენობის ცხიმებს.
4. ბრაზილიური კაკალი
ბრაზილიულ კაკალს “მცენარეულ ხორცსაც” უწოდებენ. ის დიდი რაოდენობით მიკროელემენტებსა და ცილას შეიცავს. მისი ქერქსიგანაც კი სამკურნალო საშუალება მზადდება.
5. მიწის თხილი
მიწი თხილი სასარგებლოა გულ–სისხლძარღვთა დაავადებების პროფილაქტიკისთვის. უმად მიღებისას ის მამაკაცებს იცავს ნაადრევი გამელოტებისგან. მიწის თხილი სასარგებლოა დიაბეტიკებისთვის. ის ძლიერი ანტიოქსიდანტია.
6. ტყის თხილი
ტყის თხილი შეიცავს დიდი რაოდენობით კალციუმსა და კალიუმს. ის დადებითად მოქმედებს ტვინის მუშაობაზე, შესანიშნავი ანტიდეპრესანტია და კარგია ონკოლოგიური დაავადებების პროფილაქტიკისთის. დღიური ნორმა 30 გრ. თხილია.
7. კეშიუ
კეშიუს რეგულარულად მოხმარებისას ხელს უწყობს ანთებითი პროცესების ჩაცხრობას, ამცირებს მენტრუალურ ტკივილებს, ხელს უშლის კანქვეშა ცხიმის დაგროვებას, ატენიანს კანს და ამაღლებს განწყობას. ეს თხილი აფროდიზიაკიცაა.
8. ნუში
ნუში ხელს უშლის ალცჰაიმერისა და დემენციის გაჩენას. ეს თხილეული ხელს უწყობს ნერვული სისტემის ფუნქციონირების დარეგულირებას. ნუში უძილობის მოხსნაშიც დაგეხმარებათ და მისი მიღება განსაკუთრებით სასარგებლოა ხანში შესული ადამიანებისთვის.
ნებისმიერი თხილეულის მიღება უმჯობესია უმად მირთმევის შემთხვევაში. თერმული დამუშავებისას იკარგება ის სასარგებლო თვისებები რაც მათ გააჩნიათ. თხილეული ყოველთვის შეინახეთ მშრალ და გრილ ადგილზე.
ამიტომ მიიღეთ რეგულარულად თხილეული და იზრუნეთ საკუტარ სილამაზეზ და ჯანმრთელობაზე.
ჯანმრთელობას გისურვებთ!
