ჭარბ წონასთან გასამკლავებლად ჩვენ ვცვლით კვების რაციონს, ვიწყებთ ვარჯიშს და უარს ვამბობთ საყვარელ სასუსნავებზე. ამასთან ერთად ეს ყველაფერი სტრესთანაა დაკავშირებული, რადგან ერთფეროვანი და შეიძლება ითქვას უგემური საკვები მოსაბეზრებელი ხდება. ყველაზე დიდი იმედგაცრუებაა, როცა ამ ყველაფრის მიუხედავად ვერ ვიღებთ სასურველ შედეგს? ამ დროს ისმის კითხვა, რატომ ვერ დავიკელი? რას ვაკეთებ არასწორად?

დღეს ჩვენ გაგაცნობთ დიეტას, რომლის წყალობით 1 კვირაში დაიკლებთ 6 კილოგრამს. ამასთან ერთად არ მოგიწევთ უგემური საკვების მიღება და არც ფიზიკური დატვირთვაა აუცილებელი.

კვერცხისა და ფორთოხლის დიეტა

ეს დიეტა ერთი შეხედვით უცნაურადაც შეიძლება მოგეჩვენოთ, მაგრამ სულ ტყუილად. კვერცხისა და ფორთოხლის დიეტას, მონოდიეტასაც უწოდებენ. ეს დიეტა საკმაოდ პოპულარულია თავისი ეფექტურობიდან გამომდინარე.

გაითვალისწინეთ! ამ დიეტის დაცვა რეკომენდირებულია მაქისიმუმ 2 კვირა, რადგან შესაძლოა გამოიწვიოს საკვები ნივთიერებების უკმარისობა ორგანიზმში. ასევე გაითვალისწინეთ მთავარი ინგრედიენტები და თუ მათზე ალერგია გაქვთ, ეს დიეტა თქვენითვის არაა.

როგორ დავიკლებთ კვერცხით და ფორთოხლით?

კვერცხი ცილისა და 12 ვიტამინის წყაროა. ამასთან ერთად ის დაბალ კალორიული პროდუქტია 100 გრ. – 157 კკალ. კვერცხში არის დიდი რაოდენობით ლეციტინი, რომელიც ხელს უწყობს ორგანიზმის ფუნქციონირების გაუმჯობესებას.

ფორთოხალი უზრუნველყოფს ორგანიზმის გამოკვებას ყველა საჭირო ვიტამინით. ეს ციტრუსი ცელულოზათია მდიდარი, რაც ხელს უწყობს ორგანიზმიდან შლაკებისა და ტოქსინების გამოდევნას.

გაითვალისწინეთ! ამ დიეტის და ზოგადად ნებისმიერი დიეტის დროს აუცილებელია ბევრი სითხის მიღება წყლის სახით ან მწვანე უშაქრო ჩაი. დღიური ნორმა დაახლოებით 2–3 ლიტრია.

1 კვირის მენიუ

ორშაბათი

1. საუზმე – ნახევარი ფორთოხალი და 2 ცალი მაგრად მოხარშული კვერცხი

2. სადილი – ფორთოხალი(დანაყრებამდე) ან 150 გრ. ბოსტნეულისა და მწვანილის სალათი, 150 გრ. ქათმის მკერდი

3. ვახშამი – 150 გრ. მოხარშული ქათმის მკერდი, 2 ცალი მაგრად მოხარშული კვერცხი და გრეიფრუტი

სამშაბათი

1. საუზმე – ნახევარი ფორთოხალი და 2 ცალი მაგრად მოხარშული კვერცხი

2. სადილი – 200 გრ. ბოსტნეულისა და მწვანილის სალათი, 150 გრ. მოხარშული ქათმის ფილე

3. ვახშამი – 2 ცალი მაგრად მოხარშული კვერცხი, გრეიფრუტი, 200 გრ. ბოსტნეულის სალათი, 1 ნაჭერი გახუხული პური

ოთხშაბათი

1. საუზმე – ნახევარი ფორთოხალი და ორი მაგრად მოხარშული კვერცხი

2. სადილი – 1 ნაჭერი გახუხული პური, 1 ცალი პომიდორი, 50 გრ. უცხიმო ხაჭო (დანაყრებამდე) ან 200 გრ. კიტრის სალათი, 150 გრ. მოხარშული ქათმის მკერდი

3. ვახშამი – 150 გრ. მოხარშული ქათმის ფილე, 2 ცალი მაგრად მოხარშული კვერცხი, გრეიფრუტი

ხუთშაბათი

1. საუზმე – ნახევარი ფორთოხალი, 2 ცალი მაგრად მოხარშული კვერცხი

2. სადილი – ფორთოხალი დანაყრებამდე ან 200 გრ, უცხიმო ხაჭო, 200 გრ. მოხარშული ბოსტნეული

3. ვახშამი – 200 გრ. ბოსტნეულის სალათი, 150 გრ. მოხარშული ქათმის ფილე, 2 ცალი მაგრად მოხარშული კვერცხი

პარასკევი

1. საუზმე – ნახევარი ფორთოხალი, 2 მაგრად მოხარშული კვერცხი

2. სადილი – 2 ცალი მაგრად მოხარშული კვერცხი, ნებისმიერი მოხარშული ბოსტნეული

3. ვახშამი – 150 გრ. მოხარშული თევზი, ფორთოხალი, 150 გრ. ბოსტნეულის სალათი

შაბათი

1. საუზმე – ნახევარი ფორთოხალი, 2 ცალი მაგრად მოხარშული კვერცხი

2. სადილი – ფორთოხალი (დანაყრებამდე) ან 150 გრ. მოხარშული ხორცი, 3 ცალი პომიდორი

3. ვახშამი – 200 გრ. ბოსტნეულის სალათი და 150 გრ. მოხარშული ქათმის მკერდი

კვირა

1. საუზმე – ნახევარი ფორთოხალი, 2 ცალი მაგრად მოხარშული კვერცხი

2. სადილი – ფორთოხალი, 200 გრ. ორთქლზე მომზადებული ბოსტნეული, 150 გრ. მოხარშული ქათმის მკერდი

3. ვახშამი – 200 გრ. ბოსტნეულის სალათი და 150 გრ. მოხარშული ქათმის მკერდი

 

ორ კვირიანი დიეტის შემდეგ, ნელ–ნელა დაიწყეთ სხვა პროდუქტების მიღება. მნიშვნელოვანია პირველი კვირა, რადგან არ უნდა დაიწყოთ მაშინვე მძიმე და მსუყე საკვების მიღება. მიირთვით მსუბუქი ბოსტნეულის სუპი, მოხარშული ხორცი და ა.შ. ეს ყველაფერი დაგეხმარებათ სამომავლოდ წონის შენარჩუნებაში.

წარმატებას გისურვებთ!