პროფესორი ივან ნეუმივაკინი 89 წლისაა, მან წამყან სპეციალისტებთან ერთად შექმნა გამოჯანმრთელების მარტივი და უნიკალური სისტემა. 50 წლის მანძილზე სწორედ ამ სისტემის წყალობით კოსმონავტები არ უჩივიან ჯანმრთელობას.
ივან ნეუმივაკინი ცნობილი პროფესორი და მედიცინის მეცნიერებათა დოქტორია. იგი ჯერ კიდევ საბჭოთა კავშირის დროს გახდა სახელმწიფო პრემიის ლაურეატი. ბატონმა ივანმა საუკეთესო ექიმებთან და მეცნიერებთან ერთად შეიმუშავა ეს სისტემა.
მეცნიერის კვლევებზე დაყრდნობით გახდა ცნობილი, რომ მოსახლეობის მრავალრიცხოვანი დაავადებების წყარო არის არასწორი კვება და საკვების არასწორად გადამუშავება. საჭიროა თითოეული ლუკმის კარგად გადაღეჭვა და შემდეგ ჩაყლაპვა, რადგან კუჭში საკვების დიდი ნაჭრებით მოხვედრისას ვერ ხდება სრულად სასარგებლო ნივთიერებების ათვისება და სწორად გადამუშავება.
გარდა ამისა, არ შეიძლება საკვებზე წყლის ან ნებისმიერი სითხის მიყოლება, რადგან ესეც ხელს უშლის კუჭში საკვების სრუფასოვნად გადამუშავებას. ამის შედეგად საკვები გარდაიქმნება შლაკებად.
პროფესორი გვირჩევს, რომ გადავხედოთ ჩვენს მიერ მოხმარებული საკვების დღიურ დოზას. როგორც კვლევებმა დაადგინა ჩვენ 4–5 ჯერ ვაჭარბებთ დღიურ ნორმას.
იგი ასევე გვირჩევს, რომ გაზირებული სასმელების, წვენების და ჩაის მიღება საგრძნობლად შევამციროთ ან უკეთეს შემთხვევაში ამოვიღოთ მოხმარებიდან გარკვეული პერიოდი. რადგან უჯრედი რეალურად მხოლოდ სუფთა წყალს საჭიროებს და როცა ვცდილობთ სითხე ნებისმიერი სხვა სახით მივიღოთ, ამ დროს უჯრედს უწევს ზედმეტი სამუშაოს შესრულება რათა ამ სითხეებიდან სუფთა წყალი მიიღოს.
როცა უჯრედები მთელს თავის ენერგიას სითხეების გასაწმენდად იყენებენ, ისინი ეფლობიან შლაკში. ამ დროს ორგანიზმი ვერ იღებს წყლის საკმარის რაოდენობას და სწორედ ეს იწვევს შემდგომში ისეთი დაავადებების განვითარებას, როგორიცაა: ათეროსკლეროზი, არითმია, ჰიპერტონია და ბევრი სხვა.
კვლევებითაც დადასტურდა, რომ ყველა ონკოლოგიური დაავადება ორგანიზმში უჯრედების შლაკირებით წარმოიქმნება, ისინი განიცდიან მუტაციას და გარდაიქმნებიან სიმსივნეებად. პროფესორი ივანი ირწმუნება, რომ კიბოს უჯრედები ყველა ორგანიზმშია და მათ გამრავლებას შემდგომ კი მუტაციას იწვევს იმუნიტეტის დაქვეითება. ამიტომ აუცილებელია მივირთვათ ჯანსაღი და სასარგებლო საკვები.
უამრავი უიმედო პაციენტი დააყენა ფეხზე პროფესორმა ივანმა. მისი ძირითადი და მთავარი მეთოდია ნახევრად მშიერი ყოფნა 2 განტვირთვის დღით. განტვირთვის დღეებში მხოლოდ სპეციალური ფიტო ჩაის მიღება ხდება.
პროფესორმა თავისი სისტემის წყალობით განკურნა პარკინსონით, გაფანტული სკლეროზით და განუკურნებელი სენით დაავადებული პაციენტები.
მისი თქმით, საკმაოდ მარტივია განკურნების ”საიდუმლო”. პაციენტებმა უბრალოდ მიიღეს საკმარისი რაოდენობით წყალი. დიახ! წყალია მთავარი ელემენტი და მის გარეშე ორგანიზმს უბრალოდ არ შეუძლია სწორად ფუნქციონირება.
ივანე ნეუმივაკინი თვლის, რომ უამრავი სერიოზული დაავადების განვითარების თავიდან აცილება შეიძლება რამოდენიმე მარტივი რჩევის გათვალისწინებით:
– დალიეთ 1,5-2 ლიტრი წყალი დღეში. დაიმახსოვრეთ, წყალი უჯრედის სიცოცხლის საფუძველია.
– შეეცადეთ არ ჭამოთ საღამოს 7 საათის შემდეგ, რადგან საღამოს 9 საათზე კუჭმა უნდა დაისვენოს და არ უნდა იყოს დაკავებული საკვების გადამუშავებით.
– არავითარ შემთხვევაში არ მიიღოთ სითხე საკვების მიღებიდან ორი საათის განმავლობაში.
– დალიეთ წყალი ჭამამდე ნახევარი საათით ადრე.
ჯანმრთელობას გისურვებთ !
