ფეხის ჭარბი ოფლიანობა და მასთან დაკავშირებული უსიამოვნო სუნი საკმაოდ დელიკატური პრობლემაა. მას შეუძლია ყველაზე თვითდაჯერებულ ადამიანსაც კი შეუქმნას დიდი დისკომფორტი. დღეს ჩვენ გაგაცნობთ თუ როგორ უნდა მოაშოროთ ფეხსაცმელს უსიამოვნო სუნი ყავის დახმარებით.
დროთა განმავლობაში ყველაზე ხარისხიან ფეხსაცმელსაც კი უჩნდება სპეციფიკური სუნი. მართალია ჯობია თავიდანვე სპეციაური დეოდორანტის ან ტალკის მოხმარება, მაგრამ ამას ძირითადად არავინ აკეთებს. თუ თქვენ მარტივ გამოსავალს ეძებთ, ამაში ყავის ნალექი დაგეხმარებათ. ყავას აქვს ღვთაებრივი სურნელი და ამიტომ მას ეფექტურად იყენებენ ყოველდღიურობაში სხვადასხვა დანიშნულებით.
როგორ განვთავისუფლდეთ ფეხსაცმლის უსიამოვნო სუნისგან
ყავის ნალექი ხომ ყველას გვრჩება მოდუღების შემდეგ. გამოყენებამდე აუცილებელია მისი გაშრობა. გამშრალი ნალექი ჩაყარეთ ფეხსაცმელში და დატოვეთ გარკვეული პერიოდი. რამოდენიმე საათის შემდეგ უბრალოდ გადმოყარეთ და კარგად გაბერტყეთ ფეხსაცმელი. ყავის ნალექი აქრობს სუნს და შთანთქავს ტენიანობასაც კი.
კიდევ რისთვის შეგვიძლია ყავის ნალექის გამოყენება?
ყინვასთან ბრძოლა
2021 წლის დასაწყისში უკრაინაში, კერძოდ კი ლვოვში ყინვაგამძლე საშუალებები ჩაანაცვლეს ყავის ნალექით. ის არა მხოლოდ იაფი, არამედ ეკოლოგიურად სუფთაა და აუმჯობესებს ნიადაგის ხარისხს. გარდა ამისა ის ეფექტურად ებრძვის ყინულს და თოვლს, არანაკლებ სპეციალური საშუალებებისა.
ამ საკითხში უკრაინამ გაიზიარა ევროპული გამოცდილება. ეს ტექნიკა იქ დიდი ხანია დანერგილია, თუმცა ჯერ მხოლოდ მცირე მაშტაბით.
კანის მოვლა
ყავაზე დამზადებულმა კოსმეტიკამ უკვე დიდი ხანია დაამტკიცა თავისი ეფექტურობა. ის არბილებს კანს და აქვს მატონიზირებელი ეფექტი, ამცირებს ასაკობრივ ცვლილებებს. ყავაზე დამზადებული სკრაბი ეფექტურად ებრძვის ცელულიტს, ხოლო ყავის ექსტრაქტზე დამზადებული ზეთი კანს ხდის ელასტიურს. სახის კრემი ეფექტურად ებრძვის პიგმენტაციას და კანის ფერს აუმჯობესებს.
სასუქი
ყავის ნალექისგან გამოდის არაჩვეულებრივი სასუქი მცენარეებისთვის. ის განსაკუთრებით კარგია ყვავილებისთვის და ხეხილის ხეებისთვის. ყავა ზრდის ნიადაგის მჟავიანობას და აფრთხობს მავნებლებს.
ჭურჭლის სარეცხი საშუალება
საოცარია, მაგრამ ყავის ნალექით ჭურჭლის გარეცხვაა შესაძლებელი. თავისი უხეში სტრუქტურის წყალობით ის ეფექტურად აშორებს მიმხმარ ჭუჭყს და საკვების ნარჩენებს. მისი გამოყენება შეგიძლიათ სოდის და საყოფაცხოვრებო ქიმიის მაგივრად, ტაფების და ქვაბების გასარეცხად.
მარკეტებში უამრავი ქიმიური სარეცხი საშუალებაა, მაგრამ რატომ უნდა გამოიყენოთ ის, როცა არსებობს ბევრად იაფიანი და თან ეფექტური საშუალება.
აუცილებლად გაუზიარეთ ეს სტატია თქვენს მეგობრებს, რათა ისინიც გაეცნონ ამ სასარგებლო ინფორმაციას.
