იმუნიტეტის გაძლიერებაზე ფიქრს ძირითადად წელიწადის ცივ დროს ვიწყებთ. ეს საკითხი განსაკუთრებით პოპულარული მიმდინარე პანდემიის დროს გახდა. როცა ვსაუბრობთ იმუნიტეტის გაძლიერებაზე, პირველ რიგში გვახსენდება ამოსოვის პასტა. საუბარია თაფლის, კაკლის და ჩირის ნაზავზე. დარწმუნებული ვარ უმეტესობას გსმენით მის შესახებ.
სამწუხაროდ ამოსოვის პასტა შეიცავს ალერგენ პროდუქტებს, რომელიც ალერგიული ადამიანებისთვის სახიფათოა. საბედნიეროდ იმუნიტეტის გასაძლიერებლად არსებობს სხვა ნატურალური საშუალებაც, რომელიც შედგება აბსოლუტურად უვნებელი ინგრედიენტებისგან. ამ სტატიაში გაგიზიარებთ რეცეპტს და გასწავლით მისი მომზადების წესს.
იმუნიტეტის გასაძლიერებელი საშუალების რეცეპტი
ამოსოვის პასტისგან განსხვავებით, ეს საშუალება ბევრად კარგად მოქმედებს იმუნიტეტის გასაძლიერებლად. ის შედგება ლიმონისგან, ლაიმისგან და კოჭას ფესვისგან.
ლიმონისა და ლაიმის სასარგებლო თვისებები. რა განსხვავებაა მათ შორის?
ძალიან ბევრი ადამიანისთვის ლიმონი და ლაიმი ერთი და იგივეა. მიუხედავად იმისა, რომ ეს ციტრუსები უახლოესი ნათესავები არიან, ორგანიზმზე მათი მოქმედება აბსოლუტურად სხვადასხვაა.
ლაიმი 5-ჯერ მეტი რაოდენობის С ვიტამინს შეიცავს, არადა ამ მხრივ ლიმონი ითვლება ყველაზე მდიდარ პროდუქტად. გარდა ამისა ლაიმი შეიცავს ფოლიუმის მჟავას, რომელიც ძალიან მნიშვნელოვანია აღდგენისთვის.
ლიმონი კი შეიცავს ბევრად მეტ ორგანულ მჟავებს, პექტინს და С, В, РР, Е ჯგუფის ვიტამინებს. ის ბევრად უკეთესად გამოდევნის ორგანიზმიდან ტოქსინებს და აჩქარებს მეტაბოლიზმს. ამ ორი ციტრუსის კომბინაცია ორგანიზმისთვის და იმუნიტეტისთვის სასწაულებრივად სასარგებლოა.
კოჭას სასარგებლო თვისებები
ძალიან ცოტამ თუ იცი, რომ კოჭას ფესვი შეუცვლელია საკვებით მოწამვლის, ღებინების და დაღლილობის დროს. ის კომპლექსურად აუმჯობესებს ჯანმრთელობის მდგომარეობას: აძლიერებს იმუნიტეტს, აძლიერებს ნერვულ სისტემას, ებრძვის ბაქტერიულ დაავადებებს და ხელს უწყობს სითბოს გამომუშავებას. ეს კიდევ არ არის კოჭას სასარგებლო თვისებების სრული ჩამონათვალი.
როგორ მოვამზადოთ იმუნიტეტის გასაძლიერებელი საშუალება?
დაგჭირდებათ:
- 5 ცალი ლიმონი
- 1 ცალი კოჭას ფესვი
- 3 ცალი ლაიმი
- 1,5 კგ. შაქარი
გაითვალისწინეთ! ციტრუსებისა და კოჭას საერთო წონა არ უნდა აღემატებოდეს 1 კილოგრამს, რადგან პროპორციულად 1,5 კგ. შაქარი მიდის 1 კგ. ციტრუსისა და კოჭას ნაზავთან. ეს საჭიროა იმისთვის, რომ მიღებული ნაზავის შენახვის ვადა გაიზარდოს. მისი შენახვა აუცილებელია მაცივარში.
მომზადების წესი:
მოამზადეთ ინგრედიენტები: გარეცხეთ და დაჭერით კუბიკებად, რათა მარტივი იყოს მათი გატარება. არ მოაცილოთ ციტრუსს კანი.
შაქრის გარდა ყველა ინგრედიენტი მოათავსეთ გასატარებელ მანქანაში.
მიღებულ მასას დაუმატეთ შაქარი და დადგით 2 საათით შაქრის კრისტალების ბოლომდე გასადნობად.
გადაიტანეთ ნაზავი გასტერილებულ შუშის ქილაში და შეინახეთ მაცივარში.
ეს უნივერსალური საშუალება შეგიძლიათ მიიღოთ ჩაისთან ერთად ან გააკეთოთ მისგან გამაგრილებელი სასმელი. მისი გამოყენება ფუნთუშებშიც კი შეგიძლიათ, რადგან С ვიტამინი არ კარგავს თავის თვისებებს თერმული დამუშავების შემდეგაც. მე მაინც გირჩევთ მიიღოთ ეს საშუალება ცოცხალი სახით – დღეში 1-2 ჩ.კ.
აუცილებლად გაუზიარეთ ეს სტატია თქვენს მეგობრებს, რათა ისინიც გაეცნონ ამ სასარგებლო ინფორმაციას.
ჯანმრთელობას გისურვებთ!
