ქათმის ფილე საკმაოდ პოპულარული და მოთხოვნადი პროუქტია. მას ხშირად იყენებენ ჯანსაღი წესის მოყვარული და ფიტნესის მიმდევარი ადამიანები, თუმცა არის კი ის ნამდვილად ასეთი სასარგებლო?
ქათმის ფილე და დიეტა
100 გრ. ქათმის ფილე შეიცავს მინიმალური რაოდენობის ცხიმს და 23 გრ. ადვილად შეთვისებად ცილას. ეს პროდუქტი ნახშირწყლებს ფაქტიურად არ შეიცავს. ყველაფერთან ერთად საკმაოდ მარტივი მოსამზადებელია.
ქათმის ფილე შეუცვლელ პროდუქტია დიეტის დროს, რადგან ის არის დაბალ კალორიული პროდუქტი და თან აქვს ცილების დიდი რაოდენობა. ქათმის ფილეს ასევე უნიშნავენ გულ-სისხლძარღვთა დაავადებების მქონე ადამიანებს, რადგან ის შეიცავს ძალიან მცირე რაოდენობით ქოლესტერინს.
ქათმის ფილე ბალანსირებული კვების სისტემის შემადგენელი პროდუქტია. ის გამოიყენება ისეთი დიეტების დროს, როგორიცაა: დუკანის და ატკინსის დიეტა.
აქვე უნდა აღინიშნოს, რომ ქათმის ფილე ხორცეულის ერთ-ერთი ყველაზე ”ბინძური” სახეობად ითვლება. დღეს ჩვენ გაგაცნობთ ამ პროდუქტის შესაძლო რისკებს, რომელიც ფაბრიკული ხორცის გამოყენებას შეიძლეა მოყვეს.
რა საფრთხეს მოიცავს ქათმის ხორცი?
მწარმოებლები ხარჯის შემცირების მიზნით ქათმის საკვებში ამატებენ ქალის ჰორმონს – ესტროგენს. ასეთი კვებით 4-6 თვის ნაცვლად, ქათამი 5-7 კვირაში იზრდება. აქვე აღსანიშნავია, რომ ესტროგენის ჭარბი დოზა ქალებში იწვევს მენსტრუალური ციკლის არევას, ხოლო მამაკაცებში უშვილობას.
ფერმებში ქათმებს უამრავ ანტიბიოტიკს ასმევენ, რომ თავიდან აირიდონ დაავადებები. თუმცა ასე გაზრდილი ქათმის ხორცი ადამიანის ორგანიზმისთვისაა საზიანო და სხვადასხვა დაავადების გამომწვევი შეიძლება გახდეს.
ასეთმა ხორცმა შეიძლება გამოიწვიოს, კუჭ-ნაწლავის, ღვიძლის და თირკმელების სერიოზული პრობლემები. ქათმისთვის ანტიბიოტიკების მიკროდოზით მიღება იწვევს მდგრადი მიკროორგანიზმების ჩამოყალიბებას. ქათმის ხორცის ხშირი მოხმარებისას თუ ადამიანს რაიმე ანთებითი დაავადება აქვს და დაჭირდა ანტიბიოტიკი, შესაძლოა უკვე არ იმოქმედოს, რადგან იგივე ანტიბიოტიკი აღმოჩნდეს.
ქათმის საკვები შესაძლოა გარკვეული პესტიციდებითაც კი იყოს დაბინძურებული.
როგორ ავარჩიოთ ქათმის ფილე?
ქათმის მკერდის შერჩევისას ძალიან დიდი ყურადღება უნდა გამოიჩინოთ და დააკვირდეთ წვრილმანებსაც კი.
1. შეფუთვა
ძველი ხორცის პირველი ნიშანი ამობერილი შეფუთვაა.
2. ფერი
ხორცი არავითარ შემთხვევაში არუნდა იყოს მოყვითალო ფერის. ჯანსაღი ხორცი ვარდისფერი ფერისაა.
3. ზომა
ჯანსაღად გაზრდილი ქათმის მკერდი 150-200გრ.-ს არ აღემატება, მაგრამ როცა მისი წონა 300 გრ-ს აღწევს ეს პირდაპირ მიუთითებს, რომ ქათამი გაზრდილია ხელოვნური მეთოდების გამოყენებით.
4. თეთრი ზოლები
ქათმის ფილეზე თეთრი ზოლები მავნე ცხიმებისა და დანამატების არსებობაზე მიუთითებს. ამასთან ერთად ეჭვიც არ შეგეპაროთ, რომ ეს ქათამი დაჩქარებული ზრდის მეთოდითაა გაზრდილი.
5. სიახლის განსაზღვრა
დააჭირეთ ფილეს თითი, თუ ის ჩაიზნიქა ე.ი. ხორცი ახალი არაა.
რჩევები მომხმარებლებს
1. ქათმის ბულიონის მომზადებისას არ გამოიყენოთ მაღაზიის ქათამი.
2. მომზადებისას ქათამს კანი გააცალეთ, რადგან სწორედ აქ გროვდება ყველა გამოყენებული ქიმიური ნივთიერება.
3. უმჯობესია მიირთვათ გამომცხვარი ან მოხარშული ქათამი, რადგან შეწვისას გამოიყოფა კარცენოგენები.
4. ქათმის შეწვისას ხორცი ბოლომდე უნდა მომზადდეს და არუნდა დარჩეს შიგნით ნახევრად უმი. როგორც იცით ნაწლავის ჩხირი კვდება 60 გრადუსზე, არანაკლებ 15 წუთით დამუშავებისას.
5. ქათმის მომზადებიას, ჯერ დაამუშავეთ ის და შემდეგ დაიწყეთ უკვე მისი გამზადება. ჩაალბეთ წყალში, წამოადუღეთ და ის წყალი გადააქციეთ.
გაუზიარეთ ეს სტატია თქვენს მეგობრებს, რათა ისინიც გაეცნონ ამ სასარგებლო ინფორმაციას.
ჯანმრთელობას გისურვებთ!
