რაციონის შედგენა საკმაოდ რთული საკითხია, რადგან შესაძლოა ეს გახდეს კუჭის პრობლემების, შაქრიანი დიაბეტის, გულ–სისხლძარღვთა დაავადებების და სიმსუქნის მიზეზი. ჯანმრთელობის პორველი გარანტი ფიზიკური დატვირთვა და სწორი კვებაა.

ჭარბი წონის მომატების შემთხვევაში ხშირად ჩვენ ვუშვებთ ყველაზე დიდ შეცდომას. ეს არის სწრაფად კლების სურვილი და აქედაბ გამომდინარე ისეთი მეთოდებისთვის მიმართვა, რომელიც ვნებს ჩვენს ორგანიზმს. გაითვალისწინეთ, რომ არასწორი კვება ან ქიმიური საშუალებების მიღება თავად ხდება ჭარბი წონის, კუჭის დაავადებების, უძილობის და სხვა ჯანმრთელობასთან დაკავშირებული პრობლემების გამომწვევი მთავარი მიზეზი.

როგორ ვიკვებოთ სწორად?

იცით თუ არა, რომ ზოგჯერ ისეთი პროდუქტებიც გვაყენებს ზიანს რომელიც აქამდე ჯანსაღად მიგვაჩნდა? ჩვენ ხომ პირველ რიგში რაციონიდან ამოსაღებად გვახსენდება ტკბილეული, შემწვარი საკვები, ფქვილის შემცველი და ზედმეტად ცხიმიანი. დღეს ჩვენ გაგაცნოთ იმ პროდუქტთა სიას, რომელიც რეალურად ხელს გიშლით წონის დაკლებაში, არადა აქამდე გეგონათ სწორედ მათი წყალობით დაიკლებდით.

1. იოგურტი

რეალურად რძის პროდუქტებში შემავალი სასარგებლო ბაქტერიები ხელს უწყობენ იმუნიტეტის გაძლიერებას და საჭმლის მომნელებელი სისტემის მოწესრიგებას. იოგურტი სამწუხაროდ არ შედის მსგავს სასარგებლო პროდუქტში, რადგან ის რძის დვრიტას არ შეიცავს და მხოლოდ გემრიელი ტკბილი დესერტია, რომელიც სახამებლისგან და გამასქელებლისგან შედგება. თუ მაინც გნებავთ იოგურტის მიღება, დაამზადეთ ის თავად ხილისგან და კეფირისგან ან რძის დვრიტისგან.

2. ბრინჯი

თეთრი ბრინჯის რეგულარულად და ხშირად მიღებამ შესაძლოა გამოიწვიოს გულ–სისხლძარღვთა სისტემის დაავადებები ან შაქრიანი დიაბეტი. გგონიათ ბრინჯის სახეობები ტყუილად განსხვავდება ფასებით? ყველაზე სასარგებლო ყავისფერი ბრინჯია. ის არ კარგავს დამუშავების შემდეგ სასარგებლო თვისებებს.

3. ჩირი

ჩირი რეალურად მხოლოდ ტკბილეულია. ცოცხალი ხილისგან განსხვავებით, გამოშრობის შემდეგ მასში მხოლოდ შაქარი რჩება და ძალიან მცირე რაოდენობით სასარგებლო ვიტამინები.

4. ოხრახუში

ოხრახუში ძალიან სასარგებლოა. ის აწესრიგებს საჭმლის მონელების პროცესს, აუმჯობესებს მხედველობას და აძლიერებს ნერვულ სისტემას. არასწორი მოხმარების შემთხვევაში კი პირიქით, საზიანოა ორგანიზმისთვის, მაგალითად: ოხრახუში ქიმიურ რეაქციაში შედის და გამოყოფს ნიტრატებს მაიონეზთან ურთიერთქმედებისას. კერძებსაც ის სუფრაზე გატანის წინ უნდა მოაყაროთ.

5. ყურძენი

ყურძენი ზოგადად არაა რეკომენდირებული კუჭის წყლულის, სიმსუქნისკენ მიდრეკილი ადამიანებისთვის და შაქრიანი დიაბეტის დროს. ყურძენი ძალიან დიდი რაოდენობით შაქარს შეიცავს.

6. სიმინდი

ზოგადად დაკონსერვებული ნებისმიერი პროდუქტი კარგავს სასარგებლო თვისებებს. სიმინდის შემთხვევაში საქმე უარესადაა, რადგან მისი მტვერი შხამს შეიცავს. თუ გინდათ, რომ სიმინდი უსაფრთხოდ მიირთვათ და მიიღოთ სასარგებლო ნივთიერებები, მაშინ მოხარშეთ ან მოამზადეთ ის გრილზე.

7. ავოკადო

როგორც იცით ავოკადოს ნაყოფი ზალიან სასარგებლოა, თუმცა ის ზალიან კალორიული პროდუქტია 100გრ.–245კკალ. მისი მიღება ანთების საწინააღმდეგო მედიკამენტებთან ერთად არაა რეკომენდირებული, რადგან წამლის ეფექტურობას ამცირებს.

8. თევზი

თევზზე უარი არ თქვათ, მაგრამ სწორად მოამზადეთ ის. შეწვის შემთხვევაში ის კარგავს სასარგებლო თვისებებს. უბრალოდ მოხარშეთ ან გამოაცხვეთ, რათა სასარგებლო ცხიმები და ფოსფორი მიიღოს თქვენმა ორგანიზმმა.

ნელ–ნელა შეცვალეთ თქვენი კვების რაციონი. ეცადეთ ნამდვილად სასარგებლო პროდუქტებით იყოს ის დატვირთული. გირჩევდით დიეტოლოგთან ვიზიტს, რათა ზუსტად შეარჩიოთ თითოეული მათგანი.

წარმატებას გისურვებთ!